2013年8月30日星期五

2013遊學。Chapter 5-下月今日

我喜歡倒數;倒數係一個新既開始,系迎接正面既未知。下個月既今日就出發去西班牙,越近出發日心情越複雜。

今日deadline俾full payment學費,終於甘願俾晒,好耶,傾家蕩產啦。事後再捻“值得嗎?”尼個無一個標準既答案,因為未發生;一切未發生既事都不能下定論更不應做無謂既猜測尤其系負面既角度。理論上值得既定義系:

《等價交易》

《低風險。高回酬》

用穩定工作+多年積蓄換取得90日既旅程,屬於等價嗎??加上面個層橫看豎看都系高風險低回酬!!

 理論同實踐系兩回事,世事點會下下盡人意甘理想呢??每個人價值觀唔同;只要忠於自己當下最想做既個樣野而無造成他人困擾或傷害,理得詎咩值唔值得啦。

Sammi話齋“我們的故事愛就愛到值得,錯也錯的值得,愛到翻天覆地也會有結果”愛做既梗系做左至打算啦,不過故事既結果就要你一力承擔啦。


2013年8月29日星期四

“歐=偶”癲了

有人話我個人系“刀子口豆腐心”,唔否認;心大心細系其中一個明顯症狀。

尼幾日就系繳交學費既最後期限,一早已經落訂但就拖到last minute至甘願俾。今趟去西班牙報讀基本西語課程11星期,雖然已經選定學校,但因為費用既差額所以尼幾日都仲會有d心大心細,尤其當個差額達到成千歐羅(相等馬幣4千5左右)。究竟點做決定呢?

《第一感覺》
千金難買心頭好,況且今個旅程已經系豁出去既決定,梗系揀第一感覺最想個間啦。環境系會影響心情架!

《催眠自己》
一直對錢既觀念系“只要肯做肯搏,一定賺得番!”,最多出年勤力搏殺咯~~分分鐘轉行都唔定添,世事無絕對!

《可能系last》
有人話要當每日好似最後一日黎過,所以今次雖然系第一次但亦可能系最後一次。若然仲留得條命,下次再去次選既~~


天真既我捻住國慶月D國幣會上揚,誓估唔到反而跌到冬菇都唔認得;
故事教訓我地=唔好做仙家,唯有尼幾日狂吃“雞”洩憤!!

ps:9月份我仲系馬來西亞啦,如果有適合既工作記得彈過黎,盡可能最後衝刺存多d旅費傍身~~多謝!

2013年8月28日星期三

爸爸的芭場-幸福篇











前兩日番hometown同爸爸吃午餐,返回KL時特意去新芭一轉(舊芭因為無申請到地契所以被政府建KTM鐵路時夷為平地,可憐既酸柑樹、紅毛丹樹、山荔枝樹、大樹菠蘿樹)。

近尼幾年,爸爸將新芭重新翻新種植,轉換種植橡膠樹(但仍保留幾棵榴蓮樹自家食用)。尋日就列出d所謂細時既芭場厭惡事件簿,但當然都有難忘開心幸福事啦:

《自娛》
去芭場既單車路程大約有20-30分鐘,通常都會系邊唱歌邊上路既。系芭場工作既時候都會同爸爸或家姐講笑話猜謎語,靠近火車軌道既角落都會特別謹慎但亦期待火車到來(有時會出現山豬!!)。

《被娛》
去新芭既路程雖然辛苦,但有時都會有意外收獲。新芭附近有兩個景點,一個系硫磺溫泉水池,另一個系沙地滑梯,爸爸有時都會獎勵我地帶我地去玩耍,捻起都幾過癮(免費既娛樂依家買少見少)。

《美食》
現場吃新鮮既生果系個陣系不屑(香蕉、大樹菠蘿、榴蓮、紅毛丹、山荔枝、吉仔),依家就好珍貴。芭場附近系雨後會出現一d叫“雞肉菇”既菌類,新鮮摘下番屋企加薑片就可以煮出勁好味既靚湯~~仲有,工作後都會榨新鮮蕃茄汁加糖或酸柑水解渴!!

我的回憶仍是我的,時間可以沖淡回憶但卻抹不走回味既感覺。

2013年8月27日星期二

爸爸的芭場-厭惡篇

細個系d入學個人資料或學校班級借書申請既時候都必須填上爸爸既職業,知道爸爸有兩份工作;1=揸泥機車 2=做芭場。個陣仲細,唔知1點解釋,所以選擇寫2=Farmer。

爸爸有兩個細細既芭場,我地通稱新芭同舊芭。

新芭:距離住家單車程要半粒鐘多d,新區仲好入(距離大路好遠),種植酸柑樹為主。
舊芭:距離住家單車程要20分鐘多d,就系火車路旁,經常要避開火車,都系酸柑樹。
依家轉晒種橡膠樹咯
幾乎每個週末或者學校假期,我地幾兄弟姐妹都必須輪流去芭場幫手。工作時間系早上大概8、9點到中午12點左右或下午4、5點到晚上7、8點左右。講真,非常抗拒去芭場,原因:

《好多蚊》
所以必需著上長衫長褲包鞋同帽,奈何我好惹蚊。

《好鬼熱》
除左樹蔭基本上都系直晒太阳,我耐冷不耐熱。

《好遠路》
要自己踩單車去,多數系兩姊弟並肩同行。

每次遇到要去芭場都會祈求“落雨啦”,因為可以豁免;但就唔知落雨代表個日無入息,點教書簿費、伙食費呢?細路都系驚辛苦既。

不過長大之後回想細個個陣既芭場生涯其實有好多有趣事。。。(待續)

2013年8月26日星期一

輕了

生活承受得了的"輕":

《輕敵》
驕兵必敗系名言,但長他人志氣會滅自己威風;太看重對手亦可能造成無謂既壓力而白白犧牲。

《輕狂》
勇者無懼,仁者無敵;既未達到仁者境界,做個勇者往前衝刺盡情揮灑青春。

《輕生》
有人講過"死都唔怕仲有咩可以輸呢?"因為死系代表輸曬,人始終唔甘心輸曬;留得青山在系有根據既!

既可輕,何必重!?

2013年8月23日星期五

靈晨-泰國住宿篇

同班同事去泰國旅行,今次大家約定為“豪華放鬆之旅”所以整個旅程既住宿都系每人獨立既別墅或房間。

第三日由曼谷飛往素可泰,入住既尼間酒店屬於傳統風格,全木建築包括地板,一列有5間房並對,中間間隔一個大約10步路既露天走廊,酒店大致上被樹林圍繞,好寧靜偶爾仲會聽到d昆蟲聲。

同樣各自被分到獨立既房間,我就住系4號房。房裡有兩張單人床拼成既雙人床,張床靠著落地玻璃窗,窗外都系樹林,由門口到張床都需要行成10步,可想而知間房都相當寬闊。唯一唔習慣既系間房既燈光略顯昏暗,甘大間房只得床頭、入口處同廁所有燈,仲要系黃燈。

抵達素可泰都已經接近黃昏時段,做過一輪泰式按摩-小休-晚餐之後,各自番房休息,因為隔日凌晨4點要起行到附近既廟宇參與僧侶佈施活動。晚上10點,睇左一陣電視就捻住訓喇,通常外出一個人訓我都會選擇戴上眼罩開燈,當晚亦唔例外。

訓左一陣,隱約聽到地板既腳步聲,越行越近到床邊停左。個陣我已經儘量游說自己聽錯兼逼自己快d入眠,當時既睡姿系面向天花既,突然個頭好自然甘向右傾斜,明顯系床頭邊既位置有個重量坐左落去引致。我立即慢慢擰番正個頭,但仍然感受到床頭邊既位置系陷左入去,之後仲不斷搖下搖下,個時個心已經好慌亦唔敢除下眼罩。搖左一陣,停了,我掙開眼但仍系無除下眼罩,一個黑影迎面靠近,越僕越近,我想眯埋眼又唔得、想大聲嗌又無力。雖然隔著眼罩,但我真切感受到個黑影好近甘停系我面前,無任何既呼吸聲,只得一個黑影系近距離。我已經唔記得亦唔知道同個黑影對持左幾耐,只知道我郁都唔敢郁或者講已經郁唔到僵硬晒。直到“嗑嗑嗑”,門口有人敲門細細聲講“起身喇,要出發架喇”我至突然鬆一口氣,應左句“哦。。”之後郁到喇,除地眼罩,好似咩到無發生過亦無任何痕跡有人入過黎。

件事發生之後一直無同班同事講番,除左唔想嚇親詎地之外亦真系分唔清究竟當時發生既一切系咪發緊夢呢?但點解既感覺甘實在呢?不過,我寧願相信尼個系一個夢。

ps:捻起以前做既一個電台節目,亦捻起尼一個故事。


2013年8月22日星期四

真相

尋日系網上見到一個香港警察同路人發生爭執既視頻,出現所謂既兩個版本。有人話,版本2至系真相,大家不妨參考下「 版本1 vs 版本2 」。
真相LOGO
現代人相信既真相包含以下元素:

《網絡爆料》
網絡瘋傳既消息而傳統媒體無報導既;就算唔盡信,大部份人會存疑。

《政府負面新聞》
任何負面既,包括就算系正面既都會覺得系假既;所以從來只有負面既真相。

《名人緋聞》
八卦野都會抱住“寧可信其有”。

《外遇》
好奇怪,十之八九既情侶或夫妻總會覺得“分手”系有外遇導致;“終於頂唔順”唔會系真相咩?

我唔追求真相,但我堅持合理既懷疑;大契話齋“眼看七分假,耳聽未為真”,都系停一停捻一捻好d。

2013年8月21日星期三

前車可鑒

「前車可鑒」尼句話有時會成功改變一個人既習慣,尤其“驚麻煩既人”-即系我。

何解用“前車”呢?因為小弟真系因為前車而改變維修既習慣。維修汽車基本只得三個辦法:

《原廠維修》
《街坊/相熟車房維修》
《自己維修》

當然,只有對車超乎熱愛兼信自己技術多過專業維修師傅至會夠膽自己維修!

前車慣性系住家附近進行定期維修,雖然好多人話普通車房平過原廠好多架;但相對對於我黎講,風險亦增加好多:

“點解整極都好似整唔好既?”
“點解尼頭整完又要整既?”
“點解俾錢詎賺,詎俾面色我睇既?”
“點解明知俾既價錢唔系用原廠貨但仲會覺得唔抵兼危險既?”
“點解我遇人不淑既?”

5年前就開始番原廠維修,價錢真系有種令我心痛,不過為左解開尼d無謂既“點解”,只可以“吃的咸魚抵得渴”咯。


2013年8月20日星期二

我的女朋友

我好中意BB,亦好討厭BB。
有人話“BB同女朋友一樣,都系人地既好”,尼句話抗拒得黎又覺得中肯。

BB同女朋友既共通點:

《公主》
哈哈哈,唔系想一概而論盡所有,只系你都會當BB同女朋友如公主般呵護。

《詐啼》
兩者都系天生無需經琢磨既最佳演員,而真實背後令人生疑但你會甘願受服。

《扭計》
每當兩者出現此現象之時,你會想“翻面不認人”,遠離百尺之外但事實卻無法做到!

目前我好幸福,因為有個BB女朋友(重點系人地既)。
大姐既BB女Zoe~~

2013年8月19日星期一

點會一直輸?

我運動好差(任何類型既運動)。上個星期同個friend玩小型桌球,每一盤都輸。輸左又再黎,又再輸,又再黎。腦海浮現:

《參與就已經滿足,輸贏唔系甘重要》
尼句話若然你無參加過任何比賽既話,你系唔會明白箇中奧妙;因為當你聽到人地講尼句話可能出現兩種反應:

1:好假咯,邊個參賽唔想贏噢!?
2:輸左就講埋d門面話,自欺欺人!

近尼幾年“現實派”當道,除左真人秀受歡迎之外,寫實既言語表達都好重要,唔再系《參與就已經滿足,輸贏唔系甘重要》單一標準答案,不時會出現《好唔開心,不過我下次都會做好,我有機會既!》或者《我覺得自己做得好好架喇,可能唔啱d評審胃口》等等,你會覺得比標準答案多左一份真實!(雖然都存疑,但至少多d選擇咯)生活上無論系大小比賽或參與,“贏”亦會成為一種動力令你更儘力。

輸,我絕不享受但亦不介意;堅信只要堅持,總會贏。

ps:第六局,我贏了因對手誤入黑球;果然球是圓的。

2013年8月16日星期五

2013遊學。Chapter 4-編寫自己既章程

上個星期既書展專程逛左一轉,結果空手而歸;原先計劃要買既旅遊書最後都無帶番屋企。

俾着系我平時旅遊既習慣就會準備好多資料,或者跟隨旅遊書去遊玩,畢竟平時旅遊要用有限既時間嘗試無限既景點同美食;反而今次89日既《晨西遊記(暫名)》就決定只系去了解下當地交通鏈接尼一環,所謂既景點同餐廳或者體驗就到時至慢慢發掘啦(第一次單獨行甘長時間,又每樣野都由零開始甘正!記住我唔系去跑景點既。。。)。

整個行程既重點系西班牙(共75日,隨後14日就bonus track去其他周邊國家),所以亦希望可以有機會系10個週末去到至少6個唔同既城鎮「巴塞羅那除外,課程完結後至去」。而單單西班牙就有好多既選擇,不過依家都唔會去揀,捻住到時同d同學仔一齊去仲好體驗兼慳錢,所以。。。。我原來都好似無野可以再準備喇??!!

開始期待可以真系編寫屬於自己既遊學章程(文章+行程)。

ps:捻黎捻去依家就需要既系一部相機,我自問唔系玩專業相機既人,只會專注捕捉我認為靚既角度同感覺,所以相機既方便度系比較重要架!!唔知有無老闆要贊助一部相機俾我呢?今晚發夢希望老闆會出現~~記得PM我。

2013年8月15日星期四

心理不平衡

我既認知中,一個心理不平衡既人:

《笑》
中意笑既人比沈默寡言既更有問題。

《吃》
通常胃口麻麻可惜身材發脹。

《吵》
好驚靜但又唔想吵,以為自己靜但個個話詎吵。

《慢》
厭惡慢既任何生物同行為,不過自己開始慢活。

《呆》
忘記自己系度發呆。

當然仲有其他等等。
我比較接受到心理不平衡既人,可能物以類聚。

2013年8月14日星期三

畢業典禮

一般畢業典禮會出現:

《喊》
當然唔會喊到好似送殯甘over,但部份學員仍然會觸景傷情;小六畢業典禮見過最多。

《忘》
真系被遺忘!可能系因為考完spm或者stpm需要等成績,大家已經各散東西。高中好似無畢業典禮??

《悶》
“快d啦。。”腦海不斷浮現既字句,特別系大人物致辭;正規大學畢業典禮必經。

《靚》
平時d「觀音頭,掃把腳」或者「超現實主義藝術打扮愛好者」都會刻意執正d,甚至你會認唔出;學院畢業典禮最常見。
有幸成為當日司儀之一見證他人既畢業典禮
上個星期日對我黎講應該系破天荒既舉動-出席畢業典禮,正確應該系出席其他人既畢業典禮。破天荒系因為甘多屆既被邀請終於有時間同八卦既精神去見識下時下學弟妹既典禮安排(班friend知我會出席都O晒嘴)。要我讚個畢業典禮話“做得好好吖”就好假喇,因為由音響、rundown、FM、甚至backdrop同一d細節既野都唔達標;不過可以見到一班充滿火般熱情既年輕人去合力搞個活動,一切都都變得可以被原諒。

祝願:學弟妹們,畢業順利。

2013年8月13日星期二

下午茶。爸

尋日離晚餐前3粒鍾同阿爸講“lets go,我地去飲下午茶!”
下午茶時間特意將手提調至靜音,唔想對住死物既時間霸佔左難得同屋企人相處既時刻;結果兩仔爺一傾就忘記時間,傾左接近兩粒鍾,其中有一句特別深刻:

“我地尼d過左60歲既,過一日賺一日,開開心心簡簡單單就滿足啦”-爸

尼句既含義好簡單,就系叫我地過好自己既生活;唔使為左詎地老人家而覺得有壓力,更唔使刻意要特別俾d咩物質既享受詎地,最重要既始終系一家人齊齊整整開開心心簡簡單單甘有講有笑;吃一餐飯、飲一餐茶、傾通電話都已經好放心。

你「真的」喝對咖啡了嗎?12大QA立即檢測講真,好耐都無試過兩仔爺單獨傾甘耐,由爸爸既朋友、日常生活到依家d捻法,令我更了解亦令我覺得平時原來唔系甘了解。

仲有機會可以同爸爸一齊飲茶傾計、一齊相處;其實你話真正過一日賺一日究竟系邊個呢?!

2013年8月12日星期一

李宗偉。林丹

甘多種球類運動,唯一有衝動會真系同班friend玩既就只有「羽球」!雖然水準仲差過小學生,但因為尼個運動可以走黎走去跳黎跳去之餘仲唔使團體一起玩(人群恐懼發作!)。尋晚dato李宗偉vs林丹既2013世錦賽對決,平時既我應該就會緊守電視直播;但結果無,因為:

《好想專心家庭樂》
適逢我最愛既小外甥女對歲生日聚餐,一年難得可能只見一兩次既屋企人比任何野都重要!(家姐一家系沙巴定居,難得長假番黎)

《唔想心臟負荷太重》
每次睇尼個組合既對壘梗系會心唔舒服,可能我太想李宗偉勝出,但奈何林丹又真系好勁!每次睇到唔系自己既心水賽果都會蘿蘿攣訓唔着!!唯有儘量避免有尼種感覺。。

《仲想留下。。奇蹟》
用奇蹟尼個詞確系有d嚴重,而且好似有貶低LCW;不過以以往戰績紀錄做參考,無辦法唔甘捻!但仍然希望賽事後facebook會出現“yeah!有假放咯(雖然我一直唔贊成點解贏ball至會突然放假尼個奇怪既所謂全民福利!)”

尋晚聚餐到一半時就已經聽到隔離檯談論“腳傷退賽”既消息。個一刻,心有一沈;惋惜個比賽無法順利完滿進行。番到屋企追番網上新聞了解來龍去脈。
網絡甘多張相最touch到我既就系尼張!
李宗偉-有點無奈但唔系表現末日絕望既苦笑。
林丹-至少我認為詎真系關心對手既身體狀況甚於賽果輸贏既神情。

兩位體壇傳奇,salute。

2013年8月9日星期五

大扫除

大扫除,小学不时遇到既作文题。

在一个炎热的下午,一家三口待在家齐心合力来次真真正正的大扫除,唯一赦免的地方就是「各自的房间」。

中午1点,一切从客厅开始-厨房-客房!
(家里真多灰尘和垃圾)尤其一些存放已久被遗忘的东西,统统丢掉(其实也坏了!)

历经7个小时,终于终于终于变新家了!!有种刚搬进来的感觉(☆_☆)

Raya节庆黎次大扫除都几应节,起码都有过年feel(我家真系过年除夕至有次似样d既所谓大扫除!)又系千载难逢既一家人免费娱乐。

2013年8月8日星期四

Selamat Hari Raya

一连4日长假系Raya最happy既事情。

Raya系马来同胞既庆祝新一年既大日子,当然系马来西亚尼个多元种族既社会结构,每次唔同种族既大日子庆典都会有种普天同庆“益街坊”既气氛,因为又有烟花放啦~~(虽然马来西亚严禁燃放烟花爆竹,但仍然晚晚声声响亮)。最令人开心既仲有:
图取自大马著名漫画家张家辉Keith Chong

《市区少车》
吉隆坡市真系通畅(尤其我居住既区域,难得难得)

《笑容可掬》
个个四万甘既口,尤其友族同胞,一个眼神对望立即微笑~~

《亲友相聚》
适逢学校假期,家姐全家由沙巴番黎,大团圆~大团圆~~


好啦,最头痛既事应该就系我最喜欢既马来餐馆休假,唯有打边炉解解相思之苦!
ps:搵左好多raya照片,始终都选择尼张好有才华既马来西亚华人漫画家既祝福图,讵真系有好多友族fans架!劲~~



2013年8月7日星期三

食晨。有譜

得閒??no,系跨越得閒既境界,做d得閒都未必會做既野-煮飯仔。
前日突發奇想同屋企人講“聽朝你出門叫我起身,我去巴刹買送煮晚餐,記得番黎吃飯”屋企人心存疑惑都答“噢。。”

結果尋日,真系起身買送煮飯,我已經唔記得有幾耐無上巴刹買送。聲明,我煮野唔叻不過呢個世界有樣野叫google架嘛!早一晚經已上網揾食譜定菜單:
《川味香辣口水雞》
雞比(原只雞都得,只系我中意雞比)=3只

  • 開鍋,放兩片薑片、幾段香蔥同小撮花椒聯同雞比一齊放落清水煮10分鐘,熄火焖8分鐘。
  • 撈起雞比放落冰水直到雞比完全冷卻(可放冰塊)。
  • 斬件或手撕雞比都得(我選擇手撕,記得洗手)
  • 準備調味料:將生抽、白醋、花椒、薑末、蒜末、蔥花、指天椒、辣椒油(我用油爆香辣椒乾代替)、麻油、砂糖攪勻直接淋上雞比,搞掂!

ps:皆因我喜歡熱食,所以將調味料都開鍋爆香至淋上雞比。而網上教路系要撒上熟花生米+熟白芝麻既,省工,都無放~~

《老虎啤酒雞翼》
雞翼=3對

  • 將薑末、蒜末、蔥花、生抽、杜康酒(網上寫紹興,但我用私伙勁野)醃d雞翼30分鐘以上。
  • 開鍋,落醃製好既雞翼,放入一罐啤酒黎焖詎10分鐘,搞掂!(我用老虎啤酒,菜式因而得名)

ps:落鍋唔使再落油架啦,雞翼本身有好多!

《蒜末炒靚油麥》
好明顯個菜名已經講晒點煮。

《蘋果蜜棗瘦肉湯》
本來捻煮煲老黃瓜排骨湯,之後都系決定試新野!

  • 將2粒蘋果去皮去核、2粒蜜棗、瘦肉直接放晒落個煲度,大火轉中火煲2粒鐘(間中試味落d鹽),搞掂。

ps:最好無系中間加水。好在放8成水,煲完得番4成,啱啱好夠飲。

煮野既過程捻起好多童年既回憶,以前真系好細個陣會不時幾兄弟姐妹一齊落手落腳炮製d奇奇怪怪既菜式俾屋企人“驚喜”,出黎讀書、工作之後完全拋諸腦後,忙?藉口黎者,睇電影唱k飲酒都有時間,煮餐飯有幾忙吖!只系,選擇性扮忙。

ps:十幾年至下廚一次,下一次需要再等十年嗎?唔知,只知道去到西班牙我原來仲可以自己煮黎吃。

2013年8月6日星期二

堆填區

每星期都會定時睇香港節目《新聞透視》,近期最大單野都莫過於“局長擁地自重”嫌疑案,其次就系堆填區問題。

堆填區簡單黎講就系垃圾存放集中地,香港每日大概有1萬噸既垃圾送往堆填區。睇到尼類新聞立即捻到:

1.馬來西亞每日製造幾多噸垃圾?唔知
2.究竟我每日製造幾多垃圾呢?唔知
3.有幾多公民知道馬來西亞堆填區位置呢?唔知
4.垃圾堆填區運作?唔知

好奇心既驅使,上網揾左一陣,網上見到個報告,我發出”哇!有無噢?“既疑問!

畢竟我唔系學者,亦唔系專家,更唔系受俸祿既官員,無興趣去探討。只系中左一個網友所講“唔到last minute出動既人就唔系馬來西亞人啦!”我同意,因為我仲未被濃濃既垃圾味圍攻、仲未意識到垃圾圍城既恐懼。

甘後知後覺,我又系咪垃圾呢?唔知。

2013年8月5日星期一

書在《面目可憎》

我買書有個簡單要求,《面目可憎》:

《面=封面》
一個吸引眼珠既封面系好奢侈既事,書市幾十萬本書,要脫穎而出確系頭痕。而封面既書名就系關鍵啦!同一類型既書籍有幾千本,例如烹飪、科技、工商行銷、旅遊等等,書名越騎尼越會吸引人去翻閱,當然都有d一針見血既書名例如“不亂花錢但仍存不到錢?”“老闆是豬頭”或者“我就是不愛上班但我有錢”等等。

《目=目錄》
目錄決定內容既關鍵,見到有本書叫“7招把到妹”,掀開目錄,點解無7招既?隱藏式?結果一招KO我放棄詎。

《可=不可》
只要我發覺屋企書架有超過3本未睇過既書,甘就不可買,甚至不可去逛書市。

《憎=最憎》
只要唔出現我最憎尼項,以上三項都可以隨時被破解買到本書。我最憎d書裡面既照片系影得肉酸既!肉酸既定義系「太真實+太殘舊」,尼兩種肉酸多數會出現系兩種書籍「旅遊+烹飪」。連照片都影到甘既鬼樣,你叫我仲有咩信心呢?

尋日去行書市,難得!皆因要揾下d西班牙既旅遊書參考參考,最後都無買;因為詎犯左最嚴重既第四項,真系好憎!

2013年8月2日星期五

我嬲。吳君如

吳君如,同詎有兩個第一次,兩個極端既感覺:

《反感+厭惡》
第一次主持電影記招@花田喜事2010。個陣就一日有3個工作,早上記者會,傍晚商場meet fans,晚上夜店meet fans2(好奇點解要系夜店meet fans,賀歲片喔??唔明)吳君如系我自細就電視撈飯睇住詎戲長大既,難得有近距離對話既工作機會,有d興奮但亦有d悚,畢竟都唔少人話詎好串!

結果當日出現:十問九唔應,面黑過鍋底,所有問題都幾乎由古仔同Ronald代答晒(我都無問過家庭事)而吳小姐只顧住同古仔玩。尼件事對我打擊幾大架,對詎反感之於亦不斷反覆責問自己“系咪我做得甘差呢?”
《好感+親切》
第一次到訪上海@神奇俠侶2011。事隔1年,收到通知要飛到上海採訪賀歲片演員全球記招兼獨家專訪。開始有d抗拒,上次經驗甘難頂又系原班人馬,今次仲要私下專訪添,死得啦!!最後都起程飛上海,除左系工作order之外,亦想再俾多次機會自己去接觸詎(畢竟吳君如真系我好中意既女演員黎架!),有專家話“第一印象唔好,好難再改變”真的嗎?

有趣畫面忍唔住影低
上海記招真系好大陣仗,過百媒體再加現場online直播互動,場地佈置到好似一場婚禮甘!粒幾鐘既記招完畢,演員番到休息室,輪流俾媒體採訪。通常都系聯訪之後至到我地專訪既(因為時間會長d)。等左20分鐘前面搞掂晒啦,我入到間休息室,見到古天樂、谷德紹各別坐系吳君如既左右,大家都坐sofa,幾個系度傾閒計,裡面都有3、4個助手。見到我入黎,大家不約而同起身同我打招呼,記得君如好似系第一個!!當時見詎地甘友善都松左口氣,逐一做訪問,由最有把握既導演開始-順利,再到古仔-超合作!壓軸到君如,有d心寒(因為我今次有set關於詎同家人既一d問題)我坐系詎隔離,放下一切既不安情緒進入訪問。結果,系訪問既整個過程裡面完全感受到詎既母愛(超興奮分享同家人尤其女女既相處),亦俾我從詎既眼神、動作、笑聲等等感受到真誠,令我兩年前對詎既壞印象完全洗底!



尼個case俾我既啓發好深,表面睇系一個樣;但當你嘗試去了解,又可能系另一番景象!判斷一個人一定要先接觸過、眼神交流過至可以下判斷,絕不能人云亦云,尤其身為媒體。

吳君如,48歲生日快樂。

2013年8月1日星期四

Mr Go 大明猩

Kingkong電影系經典但唔系我口味,反而尼部都有猩猩既中韓電影《Mr Go大明猩》就睇得好舒服。

如果你之前有睇過《200磅美女》(首主題曲勁好聽個部呢~~maria,oppa maria~~)你會對尼位南韓導演金容華有信心,而《大明猩》電影既主線起點就圍繞著容華馬戲團!裡面既演員應該只熟悉徐嬌一人,不過其他既角色真系非常出色(當然主角都系叫靈靈同雷霆既兩只猩猩)。

電影除左中國投資同有中國女主角徐嬌之外,其本上由導演、編劇、配角到製作團隊都系南韓包辦,裡面近9成戲份都系南韓完成拍攝,CG效果做到極致。韓國電影既手法一向好出人意表,「笑中有淚,悲中有喜」系詎地既拿手好戲,所以故事既情節鋪排唔會悶場,加上韓國演員既誇張演繹,恰到好處(畢竟系一部老少咸宜既電影)。


電影剛系中國上畫1個星期總票房輕易就破億,馬來西亞剛剛上畫,值得入戲院睇大明猩。