2013年6月28日星期五

犧牲。錄音

今日去錄音(廣告),工作之餘又可以敘舊,唔錯。
錄音系基本工作之一,當然亦需要作出個人犧牲:

《no bed》
我會好願意同個“愛床”分手(幾粒鐘)。

《no rock》
我會好願意講話陰聲細氣(唔唱阿lam個首真的漢子)。

《no spicy》
我會好願意唔吃甘緊要誇張摞命辣(兩餐)。


人總會會自己覺得喜歡既事物作出局部既所謂犧牲,可能“犧牲”尼兩個字睇落太沈重,但至少你會知道系值得既。

2013年6月27日星期四

M。U怪獸大學


相隔12年「monster inc」之後終於出現「monster university」。我自細就無捻過會做到大學生,但一直嚮往大學學府既生活。大學生涯系吸引我撲飛入戲院最重要既元素:


「詼諧笑話」
就我個人而言,主角既風頭無完全被丑角2345所搶,系好事,因為主角已經夠詼諧撐場面,最愛詎d眼神表情同自信爆燈既語氣用詞。正!

「怪獸性格」
裡面最愛既角色性格除左兩個主角,欣賞校長既冷豔(好多想像空間)、羨煞共患難既一班騎呢ok會員、更佩服怪獸造型竟然可以甘抵死!

「情節處理」
整個故事都着重在單眼仔mike既身上。無論系點解甘想讀大學?點解甘樂天進取?點解會反省?甚至結局處理,可謂合情合理合法兼感動感性感嘆。

記住要準時入場,因為進入故事前會有一個動畫短片「小藍傘」,畫面音樂配合唯美動人,切勿錯過。

ps:睇完套動畫片,更響往即將到黎既遊學生活(雖然短短11星期)我堅信會好似單眼仔mike甘精彩!!

2013年6月26日星期三

細味

細個個陣想大個之後,反之,依家周時緬懷細個。
原因可能系:

《長唔大》
對於好似我尼d甘唔理想既身形-高度同肌肉發達度,只能緬懷過去。

《物質享受》
就算再好吃既邊爐大餐,都好難會揾番細個吃一支1角錢雪條既滿足感。

《錢》
唔使多講,雖然我唔係富二代,但絕無錢既煩惱。

《隔夜仇》
“不要幫你好”-一句對不起就可以一切拋諸腦後。



2013年6月25日星期二

求愛大作戰

上個星期系網上收睇tvb既真人秀《求愛大作戰》,講一班男仔要追一班女仔。未睇前對尼類節目極度排斥,因為潛意識覺得“做戲、假、無聊”,確實我又真系幾無聊,一口氣睇左10集(網上未結局)裡面你會睇到:

1:有學歷社會地位兼有錢既男仔都無人愛。
2:無內涵尖酸刻薄兼公主病女仔都有人愛。

話雖如此,但尼個真人秀又真系feel到幾真實,裡面有d對白都值得參考架:

《參加得就系要求進步、求改變,唔好固步自封》
《點解你中意親既人都只系介於朋友吖?》
《話人有公主病既時候唔該睇下自己先,一樣架》
《詎以為尼d叫做紳士風度,其實錯架》
《其本上一世人都系靠自己解決問題》
《你系香港生活但又狂彈d港女,甘你番去揾你d鬼妹咯》
《咩話?追女?尼班?奇珍異獸黎架喔?》

當然仲有等等等等啦。。。以上既對白你可以嘗試放系唔同既位置上(唔一定系求愛,可能其他生活細節上)你會發覺“咦,甘熟既?!”

2013年6月24日星期一

早成名

昨晚開始,社交網站上被「馬來西亞10歲女童星榮獲上海影后殊榮」洗版,網友除左恭喜之餘都紛紛討論童星《早成名》既後遺症:

1。不可一世,自我中心膨脹幾率較高。
2。壓力爆煲,如何才能衝破另一高峰。
3。人言可畏,實力不斷受質疑被貶低。
4。扯線公仔,年紀輕輕只能任由擺佈。
5。難逃宿命,多數剎那光輝不是永恆。


話雖如此,以上幾點只系身為大人既我地一廂情願既“應該系甘”。但由於時代唔同、個人社交圈子唔同、價值觀唔同;你捻住詎失去童真,奈何你又點知尼樣野唔系屬於詎既童真呢??凡事何必先入為主?

2013年6月22日星期六

2013遊學。Chapter 1-功課展開了

尼次離職遊學的確有好多麻煩事,但基於性格使然我做出以下決定:

1。原定4個月既歐洲遊學將會縮短維持系89日。馬來西亞可以有90日西班牙免簽證,但因為讀玩個course剩番14日,捻住延長到1個月,奈何要申請另一個准證,甘麻煩,算啦。(大家有好建議不妨提出)擔心進入英國之後再出黎無重新計算咪死!!

2。網上旅遊達人建議報讀課程可以先報讀2星期試下,適合既就繼續,若不就換學校。曾經有動搖過接納尼項建議,但我最初既意願就系想試下校園生活(我無讀過大學,想感受大學氣息),加上甘繁複,都系跟番最初既捻法,橫掂報左名。


3。羅馬、意大利、法國、德國、葡萄牙、荷蘭、希臘都系西班牙之後會到訪既地方,依家要省略。尼個聽落雖然麻煩,但尼種揾旅遊資料既麻煩我就好enjoy啦,因為除卻西班牙,其它既真系淨系玩,bonus零壓力~~大前提:省旅費(確定最後一站阿姆斯特丹回程)。

4。行李方面都定下,一個行李箱再加一個背囊。其實我都覺得有d多,奈何,冬天既衫好厚!!為免一件件甘辛苦排列,一堆dum晒落行李箱,搞掂。

以上所定既只系旅程既開端,之後仲要規劃旅費,尼個往往系最頭痛既麻煩事。

2013年6月21日星期五

阿媽身教

今日外出遇正“小學放學”,既然塞車,教低車窗,聽到一個對話:

(地道華語對話)
媽媽:走快點。。
兒子:媽,很塞車呵!我們的車在哪裡?
媽媽:前面吧了
(媽媽指向學校巴士前面的白色轎車,我就在巴士右後方)
兒子:噢!塞著巴士了。
媽媽:所以走快點
兒子:做莫不要“泊”好來!!?
媽媽:哪裡有parking!!(開門催兒子)快點進去。。
(可惜,她也被duble park的另一輛車擋住,她按horn)

這種事司空見慣,可能你覺得“慣架啦”;但習慣既事就代表啱?
乜大家唔系話要Ubah既咩?
Ubah,請從自身開始;如果唔系,點樣教導下一代呢?!

2013年6月20日星期四

爸爸既叮囑

記得第一次正式出黎社會工作,爸爸既再三叮囑:

1.事事小心,要睇好自身安全同健康,多飲水、多吃蔬果(我都無法做到);總之「凡事莫理,眾地莫企」,千祈咪強出頭(反而尼樣成日做)。

2.第一次幫人打工,人地唔知你能力去到邊就唔好同人地計較,做出成績人地有眼睇,到時就會得到你應得既酬勞。有時「蝕底當賺」,經驗系要累積架!

3.睇多d野、學多幾種語文(我都想,未做到),語文永遠唔會過時,最保值既野!!(無錯,我依家至知道系寶。)


出黎社會工作超過10年,爸爸既叮囑亦昇華:

1.唔好俾自己甘大壓力,放鬆d。

2.覺得啱既、自己開心既,咪去做咯。

3.得既話,記得安置d產業,保值。

我自問唔系甘聽家人既說話,但尼d一直都常在我心。

2013年6月19日星期三

反鎖記

今日好熱,房門被大風吹,反鎖。

omg!!大部份男仔都應該唔會知道條備用匙擺系邊,唉。。我竟然:

1:揾卡片捻住學90年代電影甘可以撬得開,失敗。
2:call家人揾備用匙,失敗。
3:撞門。。。捻左下,唔使甘誇張呱,失敗。

結果,度門開左!

點解咧??排除有靈體幫忙,應該系我不斷好怒氣甘狂“ngo”個門栓,所以度門feel到危機,自動投降!!我系甘捻!!

ps:日後我會記得放尼個黎避免度門再次反鎖!喵仔,辛苦你。




2013年6月18日星期二

World War Z

睇trailer,有d抗拒,因為“又系喪尸?”
睇完,忍唔住真系俾個like詎!!

like點在于:

《演員》
話明走難,梗系會邋邋遢遢架啦!男主角畢佬既“佬味”勁重,但仍不失父愛同愛妻好男人既feel,唔會一味扮chok。女主角幾乎零化妝既堅強媽媽表現絕對加分!!頂唔順d又要走難又濃妝艷抹既女角,好采無,good!!而飾演“喪尸”既一眾臨記配上出色化妝,喜歡詎地既神情,尤其臨尾同畢佬單獨對戲既“喪尸”,小動作做到好傳神(雖然我未見過喪尸)。


《氣氛》
電影開始5分鐘後正式進入緊張大逃亡!!喪尸片好中意用d失驚無神既大聲音效去嚇人,反而尼套就無!!令人窒息既未知同槍戰場面會好容易令你投入故事情節。其中有一場景有種“猛鬼學堂”feel。。哈哈,又系緊張!

《經典場面》
都話市面有太多喪尸題材既電影,記得既場面就真系捻唔起。尼套都可謂大片,又真系有一個大場面已經深深烙印系我腦海啦!!你睇完話我知系咪都一樣!!震撼!!

《結局》
無理由寫個結局出黎者!!只可以話“唔系個人hero救世界咯”!我中意。

「world war z」系近期上映既電影中一定一定要入戲院享受既誠意之作!

2013年6月17日星期一

超人

超人superman,兒時既偶像,原因:


1:換衫速度好快,番學可以減少時間換衫。
2:睇穿牆既特異功能可以預先睇測驗卷。
3:細個用打火機好差,對眼噴火好方便,尤其點香。
4:我系巒毛,捻住都得“s字劉海”,結果我太天真。
5:試過忘記拉拉鍊都覺得好瘀,但詎竟然敢將甘出位艷紅既底褲外穿!!大膽!


至於什麼救國救民既英勇舉動我就真系細細個唔識欣賞,只知道詎人見人愛。
ps:新版超人電影基本上都無我上述最欣賞超人5強,但能力就超過超人。

2013年6月14日星期五

RESUME

我九月尾至會去遊學,所以系7月到9月尾都可以有時間做下野,揾D旅費。

唔知道幾耐無寫過履歷表,亦無真正整理統計過,俾自己一個挑戰,1粒鐘盡記。
因為工作性質唔同,系咪應該甘寫呢?

工作經驗:
2007-2013《中文電台工作》

直播節目主持:
《公雞飯碗》
《哈囉早晨》
《街頭早點up》
《有個節目叫goodshow》
《全球華語歌曲排行榜》
《夜夜晨歌》
《晨周7號》
《神秘月會kusokuso》
《早點show》

商家活動主持:
Rhino犀角水
Kinohimitsu
Ah Huat白咖啡
Power Root Alicafe
Huawei

錄音廣告(粵語/華語):
Magnum、Toto、Gintell、Kinohimitsu、Lennox、Acer、Sony、Mazda、Proton、Toyota、City Chain、Burger King、Airasia、Canon、Astro、Panasonic、York、Diamond、Daia、Boom、等等等等

藝人活動主持:
《龍門飛甲》電影-徐克導演
《我愛香港2012》電影-曾志偉、毛舜君、麥長青
《我愛香港2011》電影-曾志偉、吳君如
《花田喜事2010》電影-吳君如、黃百鳴、鄭中基、古天樂
《桃姐》電影-許鞍華、葉德嫻

歌手宣傳主持:
容祖兒、謝安琪、林俊傑、五月天、陳柏宇、林峯、李志清、潘嘉麗、伍佰、李幸倪、MR、白安

慶功宴主持:
黃子華、李克勤

訪問主持:
方大同、陳奕迅、譚詠麟、林憶蓮、李南星、楊怡、黃宗澤、徐子珊、張靚穎、李宇春、周筆暢、薩頂頂、twins、鄧紫琪、動力火車。。。。

其它活動:
《2013 TVB8全球中國功夫錦標賽》-馬來西亞選拔賽
《2011 全球華語歌曲排行榜頒獎典禮》-上海
《2011 Love力全開音樂會》-雲頂
《2010 東方暢想全球華語廣播創新節目大賽》-上海
《2010 live動全城倒數派對》-檳城

我記憶有限,真系儘量記。。。如果你地以前睇過、聽過、參與過而我漏左既,請通知~~
系啦,有工作適合既不妨facebook msg或者email 我啦~~

ps:系喔!婚禮同annual dinner都可以試下玩,如果你唔驚我癲~~哈哈哈哈


2013年6月13日星期四

真人show學到野

電視台有個真人show系講一個大有錢佬揾接班人(聘請員工。。)提出種種挑戰最後剩番一個優勝者得以高新厚職(都系要做。。)成個show睇落真系好似陳芷青金句“真系學左好多野”,而系尋晚亞洲版既其中一集講述:

「一隊挑戰失敗既女子組等待老闆判決,邊個會被fire,其中一名女團員願意要自我放逐,承擔失敗因由重擔離場,被大老闆阻止,但最後都被大老闆指住詎“u r fire”!!」

系尼個個案我學到:

《只有老闆可以炒你,你不能自己放棄辭職》
《如果你系老闆面前提出過放棄念頭,請堅持,否則都系會令老闆對你失去信心》
《可以承認團隊溝通有問題,但亦要懂得保護其他團員》
《系保護其他團員同時記得不經意插詎兩刀,但謹記要不經意》

如若無法學識以上4項基本理念,你就會好似我甘“做觀眾”。

2013年6月12日星期三

水舞间@澳门

澳门黎左个「水舞间」,的确系其中一个原因吸引我再次到访。

无上网买飞,因为系香港杂志见到个买两张飞送五星酒店既promotion(间酒店。。金都,你check下啦,唔推荐)讲番个show,今次豪D买hkd980A区位。有几样野要提醒:

前排座位的毛毯


<湿身>
越坐前排随时湿晒,系湿晒。好在我坐第三排,都溅湿少少,不过放心,就算你湿晒你都唔会发脾气,因为goodshow。前排每张凳都备有一张毛毯(都系会湿身,哈哈。。工作人员会即时再替换毛毯,真系好湿)



<拍照>
场馆内绝不能用闪光灯,尊重演员同观众。(不过开场前可以,场内好暗,记得留念)开场后忍唔住可以影几张,千祈咪miss现场感。绝不能录影,反而相片可以放上微博参加游戏!

<窒息。心脏承受度>
个个都可以参加奥运跳水!剧情紧凑兼难度合拍度劲高!我不能透露剧情,只能post上几张照片。(我好专心睇show,百忙中得呢几张相咋!)

一句到尾,超值拍烂手掌既goodshow。

2013年6月11日星期二

澳门@娱乐场乐趣

澳门旅游第一印象肯定系「赌场」,不过你会发现澳门无出现「赌场」尼两个字,而系用「娱乐场」取而代之。

我认为绝对正确,因为「娱乐场」的确充满免费娱乐:

<会员卡>
如果你话,杏仁饼系送俾亲朋好友既澳门手信,甘俾自己既免费手信纪念品就系"娱乐场会员卡"。几乎所有大集团既娱乐场都会好殷勤地去呼吁甚至帮忙你去申请新会员,完全免费之余,仲大部份会附送餐饮礼券添!个申请过程中仲可以同D职员爹两句!都几有娱乐性,D职员口才非常好。

<免费饮品>
娱乐场都肯定会有樽装矿泉水,仲要系mini size,方便女士携带!当然,咖啡、奶茶、牛奶、热茶等等饮品都一律免费,好似新葡京甘,居然仲有小点心西饼吃!!

<豪华洗手间>
基本上去澳门你想好舒适有歌仔听兼阵阵花香解既话,去门面超豪既娱乐场啦!美高梅、永利、威尼斯人、银河、新濠天地等等都不得了,值得去做大事!

<博物馆+免费show>
十六蒲有MJ博物馆、新葡京有十二生肖中既马铜头像+世界最大砖石、美高梅(MGM)有细细个睇到大既3D狮子像、永利有吉祥树同瑞龙表演,门口仲有音乐喷泉睇(留意时间)、新濠天地有美人鱼、银河有大砖石表演,多姿多彩,重点系:all free。


温馨提醒,喜欢玩两手既朋友,到处你会见到「小赌怡情」告示牌。祝你好运。

2013年6月8日星期六

吃Day

香港第三日,兄弟既深圳friend join trip。

女仔,一個好客兼好頃既女仔。
我一向對陌生人有好大既隔膜,但出遊就會將防備心完全卸下,唔明點解!可能出得黎玩梗係盡興啦(☆_☆)當然jae jae(個兄弟既friend)都屬於平易近人(甚至好過我兄弟,哈哈)。

第一站:中環starbuck
香港暫時我知兩間starbuck甚有香港特色,第一間系中環(都爹利街),另一間系旺角(洗衣街),兩間特色都系「香港懷舊」,旺角鋪位較大,方便揾位。


第二站:太子站c2出口打邊爐
尼個trip主題「喪打邊爐勁劈啤」,所以day 3就揾網上口碑比較top既"小肥牛"有好多分店,剛好要到太子買野,所以選擇根本唔使揾一出c2就見。雖然我抱住吃肥牛既心態,但最終被海鮮征服!!尤其優惠,哈哈哈,童叟無欺!

第三站:廟街
jae jae住系油麻地,所以gentlememt既我倆送佢番去酒店(其實想吃宵夜),講真,旅客去d大街大行既食肆的確會比較吃虧,料同味道都爭d,可以選擇系睇相條街度附近揾後巷既食肆,價錢同味道都較有誠意!

第四站:我喜歡系便利店hea一hea,正!





2013年6月6日星期四

屎的魅力

夏天既香港黎左两组艺术家。
1:黄鸭
2:充气屎(其实仲有其它展览品,不过俾笃屎抢晒锋头)

今日专程去感受笃屎既魅力。

地点:西九龙海滨走廊附近(可选择搭地铁到九龙站or柯士甸站行路大约10分钟即到,沿路有晒路标指示牌)

入场费:FOC

宗旨:嘗試在不斷變化的文化和城市景觀的語境下,去改變、削弱和挑戰藝術和公共空間的現狀以及其固有觀念。(講真,我唔系好明)

尼個露天展覽最正既系可以任何年齡一家大細家庭樂既好去處,可惜。。。系夏天!!30幾度熱死辣辣去露天同d藝術品影相同野餐(現場有小食草地區),難以想像!!不過,值得一贊既系親自樂互動區,現場免費贈送資訊簿之外都有本作業本俾你玩下創意(☆_☆)

如果唔系夏天,我會好願意逗留長d時間慢慢感受藝術氣息!




马场大亨

第一次入马场,赢马。

同个兄弟去跑马地马场感受现场赛马既兴奋。大家有机会都一定要去参观感受做「马场大亨」。

星期三跑夜马。

地点:跑马地马场「铜锣湾站A出口跟着跑马地马场路标大约行25分钟就到,记住公众系G入口」

入场费:10港元,当然赌本另计,最低10港元注「515pm入场,7pm第一场开跑,当日有8场,大约每半小时1场」

玩法:唔识(现场会有好多热心工作人员教路,切勿沉迷,玩下好啦)

其实除左赛马尼个重头戏之外,现场根本就系个嘉年华会,有多个品牌啤酒摊位、小食(香肠、烧腊、汤面、西餐等),绝对可以hea成晚!!唔单至,每场赛事小休仲有live band表演,死未!

系尼度,我要特别多谢第2场6号「有胆识」赞助我当晚丰富既肥牛打边炉。玩饱吃饱!



2013年6月5日星期三

香港

香港系我自細最嚮往親身到游既地方,最主要既原因就系因為港劇影響。
只系去過香港6次,每次去既感覺都好唔同:

《2009 首次得償所願游香江》
第一次去到9成用粵語溝通既地區,所有事物既熟悉又陌生;真系異常興奮。

《2010 全球華語歌曲頒獎典禮》
第一次出差訪問方大同、陳奕迅、Mr、容祖兒etc;仲有機會第一次單獨系條街到hea逛,聽搭台父子、情侶對話,親身八下當地人既生活節奏同模式。

《2010 全城哈囉喂》
第一次約埋2個超級死黨組兄弟幫去感受全城halloween既熱鬧,man tour!

《2011 香港夏天週末游》
第一次同事話“揾個週末去香港吖”,就甘4只野飛左過去,第一次系香港飲醉。

《2011 聖誕家庭游》
第一次帶團feel,整個團系為家姐1家4口特別安排去俾家庭主婦放鬆、一家之主享受、兩只哇鬼去迪士尼叹番個難得假期。個次之後,詎地愛上香港旅遊,我應記一功。

《2013 十大中文金曲頒獎典禮》
第一次出發前2星期至落實,一切都好隨性;其實系因為已經踏入2013年而知道自己要離開工作了,揾個最想去既地方當散心,加上2012年行程太full無去到所以1月就已經抵受唔住。

今日又去一次,原定4月尾成行既旅程因工作原因延至6月出發,兩條麻甩佬目標一致=《劈酒+狂打邊爐》。

出遊並唔系去到一個景點影張相,又或者齋熟讀景點歷史價值;其實應該尋找同留底你到此一游所感受過既經歷。到你重提尼個地方既時候,你自然會浮現好多有趣既小故事;甘至會成為你生命中真正到訪過既地方。

2013年6月4日星期二

跳槽疑雲

前兩日問“你辭職吖?”
尼兩日問“你跳槽吖?”

跳槽尼樣野好奇妙,唔同崗位睇跳槽角度都唔同:

跳槽者=《遊樂場》
小朋友見到唔同既遊樂場,亦想要嘗試唔同既遊樂場;未必其他既遊樂場會豪華d、大挑戰d或者人多d,而系想證明自己玩遊戲既能力有幾醒。

老闆=《墳場》
小朋友你要去死唔同你唔俾詎去死咩?當然都有好豁達既老闆會送上默默既祝福。

父母=《教堂》
小朋友步入人生另一個里程碑,心裡面帶點憂慮但系都系正面既安慰開懷。

旁觀者=《移民》
尼個就分兩派:
1)羨慕小朋友可以移民去更好既地方(大部分人都會覺得自己身處既地方唔夠完美)
2)怨恨小朋友忘祖叛宗去敵方既陣營(尼類心態未能掌握參透。。。不明)

話番轉頭,尼幾日我都用最乞人憎既答法“你估下~~”

聽到都好想摑自己兩大巴,信我既,唔好再問尼個問題啦~~

離職當日喊到甘樣衰,甘都似跳槽?

2013年6月3日星期一

失眠元兇

凌晨1點,未訓,失眠?唔系。

過去幾年基本上超過8成既日子系失眠,同份工作有關?

《驚遲到》
電台早班節目朝早6點開播,換言之需要5點到公司(好多時候都會接近開播前至趕到,雖然唔達標但至少系開播前-自我圓場既捻法)。個手機鬧鐘永遠系我床邊,驚遲到。

《個腦不斷轉》
睇晚報+晚間新聞之後就會個腦不斷甘轉,一直捻緊個新聞。我一向記性好差,不過只要腦裡面重演一次,12小時之內基本上都會可以描述得活靈活現,奈何重演之後會出現多個版本同續集既發展幻想。

《長時間既午睡》
每日下昼3、4點夢魔自然就黎踢館,一旦不敵戰敗,就會好自然地訓到晚上9或10點至醒。

《我系殭屍》
應該系,因為天黑精神,日光眼訓。近尼三年,好多時候都系凌晨5、6點至入眠,第二日唯有好驚青甘驚遲到咯~~某個程度上,難入眠亦難醒來。


工作導致失眠尼個說法一直好矛盾,因為尼份工作才令我有機會午睡、轉晚班等等去克制失眠帶黎既精神困擾。

睇玩篇野,無錯,我系賴緊份工令我失眠;為左證實無左份工既時候會唔會都系甘,決定以身試法。多兩個月再話你知~~

2013年6月2日星期日

你做左我一直想做既野

宣佈離職之後,還幸得到大家厚愛,網上每一句留言我都有睇到,多謝。
而當我話會去遊學之後,除左「不捨、多謝、點解、番黎、去邊」既留言之外,仲發覺大家都有尼個捻發 -“你做左我一直想做既野”。

“你做左我一直想做既野”我會當系一句讚美既說話,再多謝;不過,究竟我做左d咩系你一直想做既咧??經過我心思熟慮,莫非:

《唔系含住啖怨氣憤怒辭職?》

《離職lastday竟會依依不捨做大喊包?》

《明明去hea遊手好閒學人扮遊學?》

《講好聽做自由身freelance名副其實做量地官?》

《哇!好似儲埋好大筆資金安枕無憂?》

話我知,邊個中??

ps:最後一項絕對我都一直想,可惜,仲系想ing。。。

2013年6月1日星期六

週末附加:揾工番外篇

我系唔系失業呢?捻左一陣,又好似系!

距離遊學成行仲有成。。。118日(接近4個月)
究竟做d咩好呢?
揾工咯,總需要儲遊學基金既~~
不過,我可以做d咩呢???
應該都系自己有把握架啦:

《活動主持》
《配音錄音》
《專欄寫文》

不過只限於中文(粵語+華語),皆因小弟既英語實在無法上大台,所以至會選擇學西語~

有job適合既可以messages聯絡我:
https://www.facebook.com/pages/Ansonkow/103998186341895

ps:哇!都真系好耐無試過去揾工做,個feel好奇特~~