2013年1月31日星期四

病了啓示錄

平時給予別人印象系嬉皮笑臉,所以當我話“我病了”,友人反應會系“詐病啊?”

就正正因為尼個原因,好抗拒睇醫生既我唯有去睇醫生,所以通常去睇醫生都系我已經好唔惦既時候。

一般上好驚/好介意俾人講既人都屬於“捻太多”既人,詎地會為左無無謂謂既路人一句說話或眼神而失落成日,更唔使講至親好友啦,分分鐘睇唔開。

活在別人的言語/眼光底下系最可悲既,講你既人並唔會因此而少兩兩肉,更唔會懺悔;反而你太在乎他人無謂既舉動而苦了自己。

近尼幾個月有幸認識到位高人,詎已經領悟到我正在研究中既驚世提示《除卻生死一切皆閒事》,我還在參透中。

ps:我身體仍是虛弱,病了。失聲比失身可怕。

2013年1月29日星期二

Hea爆香港(一)

Hea爆香港Day 1

2012其中一個遺憾既事就系無去到香港,所以2013年頭二話不說,有平機票立即booking飛香港hea個週末。「國泰航空經常做promotion,來回全包只系Rm755」

《住宿-Buttlefly精品酒店@上環》

今次終於都唔選擇系九龍住啦,脫離油尖旺,入住香港島-上環。

尼間精品酒店其實有好多分店,尼間系Hollywood道既就比較幽靜,對面有兩間cafe感覺唔錯,過兩條街就系古董街同海味街。尼間精品酒店比想象中寬敞,美中不足系d窗口開唔到but甘多落地窗,間房系樓景但d樓都離幾遠架,唔會有壓逼感兼晚上相當幽靜,後面街有惠康百貨,對面有7仔!價格大約rm300++/nite。間酒店概念系Hollywood,所以每一層擺設都有導演椅同拍攝燈等等,每層走廊都有歷年奧斯卡得獎名單,幾有feel架!只要同個德士司機講荷李活道東華醫院附近就得啦~~地鐵就梗系上環站啦!






《第一餐-九記牛腩面》

其中一項點解揀上環系因為美食。其實中環同上環有好多正野!例如第一餐就忍唔住去吃牛腩面!!超正but亦都有d貴,仲有最低消費。招牌梗系清湯牛腩面啦,but原來咖喱都非常入味,建議有伴既朋友可以兩款都點,share share咯!間店經常都排長龍,但其實大家都吃得幾快,我雖然排系樓梯口前面有成20幾人但都只系等左15分鐘。ps:對面個間勝香園條人龍仲勁,有時間都可以試下(對面唔系牛腩面)。記得,星期日offday啊!





《晚餐-長州》

由香港島中環5號碼頭到長州只需1小時(hkd十幾),如果搭express(hkd20幾)就只系40分鐘度。大約每班船30分鐘,過左11點45分就每兩小時一班。去長州得一個目的,就系有friend話長州豬骨煲打邊爐勁正!長州碼頭到步之後只要轉左直行就會見到好多食檔,友人試過尼間唔錯,所以就將系落船後路邊買既新鮮蝦同魷魚交俾食檔老闆做打邊爐用(都可以叫店家煮炒)。叫左煲“豬骨煲”,豬骨配上白蘿蔔+玉蜀黍再加胡椒粒煲既豬骨湯底好溫暖,因為當晚翻風有d冷,所以不斷加辣(胡椒)。再點個靚肥牛、蒜蒸帶子、加上大約10支大啤!!坐系碼頭邊吹海風打邊爐對啤(溫度大約14度)人生一大享受!!搞掂打邊爐之後,友人話,豬骨骨髓好正架,所以就拿飲管試試,果然好似燉豬肉湯既渣!!成餐5人飽飽都只系hkd800度大約rm70/pax!7點開餐,11點左右就返中環咯!!星期六party time!



saturday nite梗系落老蘭啦!中環碼頭離老蘭好近,順路者~~週末人山人海,好難揾位。建議你其實去7仔買支酒企系人群中仲有feel!加上平幾倍。



2013年1月28日星期一

飛人被人飛

飛人同被人飛既分別在于:

《飛人》
1:你知道大家會分開
2:控制權系你手上
3:外人會認為你系衰仔but你覺得好瀟灑

《被人飛》
1:無啦啦通知你“分手吧”
2:任由他人擺佈
3:外人會同情你系受害者but你覺得好面懵

所謂計劃趕不上改變,世上最無奈既事系;
當你準備《飛人》既時候竟然《被人飛》。

2013年1月18日星期五

吹水=廢噏??


吹水算唔算一種貶意呢?
小弟學藝未精,仍在學習中。

吹水系社交既重要橋梁;所以就算你唔精都需要懂。

吹水=廢噏??

可以甘講,廢噏系零內容,講左等於無講;而吹水系天馬行空既幻想但只限於思想上既享受卻止於行動

所以,吹水X廢噏。



2013年1月17日星期四

訪問=旅行



訪問系我工作,旅行系我娛樂。
慶幸,有機會工作於娛樂。

系我字典裡面,訪問同旅行一樣,都系分兩類:
1:人物訪問=自助旅行
2:宣傳訪問=跟團旅行

自助:整個鋪排由你話事,當然,若然去到一d景點出現狀況,例如突然落雨,你就需要有plan b預防冷場,因為the show must go on,無論系應變或功課都要有相當既準備,而自助旅行亦會比較舒服自在,甚至可以不安牌理出牌。

跟團:跟就得架啦,唔使用腦??錯。跟團若然唔清除自己下一站會去邊度既話,就會好意被個導遊/團長任意妄為,以至整個旅途不愉快。到頭來辛苦自己亦難為別人。



近期試左一個新玩意,就系原本“跟團”既旅途途中穿插“自助”既行程。旁人可能感覺唔到,但當事人就會好滿足,雖然事前功課同事後處理需要更花心思,不過尼個滿足感亦系加倍。

千祈唔好睇小任何一次既訪問同旅途,因為你絕對可以系過程中重新認識一個人/地方又或者從被訪者/旅程經驗分享尋找他人既學問同智慧。

2013年1月16日星期三

好一”粒嬸“嬸


小弟系facebook度忍唔住share左尼個:

雖然我們無法關上耳朵,但「聽」也有份”自願“和”被逼“。
《尊重》是建於”自願“的基礎上,千萬別做蠻人。共勉之。

突然發人深省??我邊有甘高慧根,系被激發既。尼兩日馬來西亞掀起“listen”潮,尼個listen並唔系天后Beyonce個首名曲,而系一個自言受過高等教育睇落應該接近4張幾口操流利馬來語同英語既女司儀所創造既“金句!

首先,我衷心佩服尼位嬸嬸既創意,一句簡單既單詞”listen“竟然可以運用到甘出神入化,比曲婉婷或李代沫更狠狠地打入每一位”嬸嬸的腦海裡“,好勁。

再黎,我由心同意小朋友系要對長輩放尊重,但奈何尼位嬸嬸忽略左,唔系每個長輩既所作所為都值得尊重(重點系個小朋友無唔尊重喔!!疑惑ing。。)就例如我地推崇孝順但不能愚孝,同一道理。用尼種欺壓性既語氣黎打斷他人既發言。。。甘叫尊重??!!又更加疑惑???

最後,我強調”學歷高、讀書多並不代表修養好“!難道無讀過書、識少幾只字就一定系粗人??無知最可怕。


仲未知發生咩事?可以參考以下個link,記住耐心睇晒尼個8分幾鐘:
http://www.facebook.com/photo.php?v=10151420194391337

溫馨提醒:對於一d好似我甘有躁狂症既朋友,睇既時候最好有個枕頭系身邊。
睇完你會明點解架啦!

2013年1月14日星期一

好_難做

好朋友/好兄弟難做。

太親密既好朋友或者兄弟(沒有血緣關係)會招徠流言蜚語,而尼d聽似無稽之事系會絕對影響人際關係。

「好朋友/同事(異性)」
當外界捻住開玩笑地做媒人撮合某個同事/好朋友,就會換來其中一方既厭惡、排擠、避忌,而相對另一方就有種被嫌棄既感覺實不好受。雖則,原本系眾人無知既玩笑,換來既可能系對他人既一種精神傷害。

「好兄弟」
有句網上金句“好兄弟,好基友”。男人之間的感情深厚往往會換來這種玩笑,這是一種很奇怪的眼神和竊竊私語的騷擾,更是一種疑惑。女女之間的好感情=金蘭姐妹,男男之間的難兄難弟就變成好基友!?解釋不了的靈異檔案。

歌仔有得唱“~人生有個真正朋友的確好極~”“~人生於世上有幾多知己,多少友誼能長存~”

理性既高人會講“理得詎吖!做自己咪得咯!”

此言談何容易!皆因人生於群體生活既環境,名句“我不是為了他人而活著的”仍然不比“人言可畏”黎得深入民心;修行要好高至能夠視而無睹、聞而不聽,所以高人都獨自活在深山中才能做到尼個境界,莫非要鎖住自己!?

2013年1月10日星期四

网上狂徒

人有好多分身。唔系因为识得72变,而系我地会随时更换自己既“身份”。

时下都市人个个话自己压力好大,甚至有5人当中就会有1个有精神病(精神病唔系痴线),所以我地会尽量做d可以令我地减压既举动,依家最hit既绝对唔系运动,而系“上网发泄”!

《写status骂x型》:
毕竟系属于讵自己个人既领域(facebook、微博、blog等)写d咩绝对系讵个人权利,我地无从过问,尼类敢爱敢恨型我有时都会欣赏、敬佩讵。不过,出现好多败类型,唔系因为讵写d咩,而系因为尼班败类会用“假身份”或者“用小朋友照片”。。。。败类。

《留言撩事斗非型》:
网上既开放令到个个都觉得“言论自由”大晒,无错,“言论自由”系值得尊重既,但切勿滥用尼句“言论自由”,因为尼班撩事斗非型既网上留言者并唔系系自己既领域范围发恶,而已周围点起火头。记住,批评不同于侮辱,批评系富建设性既提问同指点,而侮辱就系显示个人修养缺陷(重点系,尼样野同学历、身份地位完全无关)。

以上两种类型都可谓见惯不怪,虽然系实质上我地睇唔到讵地做左以上动作会对讵地有咩好处?点样帮到件事?甚至会觉得讵地好幼稚、无知、卑鄙、无脑!但系,无形中讵既尼个动作可能令讵精神上得到舒缓或者已经将负面/不满情绪转移到网上,减轻个人精神压力,虽则尼个做法有d无耻,但对于留言者黎讲只会觉得“人不为己天诛地灭”。

尼种究竟算唔算系一种病态呢?甘就要睇你病得重唔重啦,所谓“小病好胜,大病失性”

2013年1月9日星期三

袜子启示录

男人同女人唔可能受到同等待遇,至少我知道有d好细微既同一样野,女仔ok男仔就pk!!

以下尼张相!!


无错,系在下既玉腿!讲真,在下真系鼓起万二分既勇气至甘着上这么童真既袜!其实,只系一对印上卡通摸样既袜,又何须勇气呢??此言差异,因为男女待遇大不同,反应亦异:

女:(兴奋)哇!好得意吖!
男:(惊诧)哇!扮得意吖。。
女:(继续兴奋)边度买既??
男:(继续惊诧)甘你都买??
女:(高音兴奋)10蚊对!?好抵喔!!
男:(低音鄙视)10蚊对?!好猪喔!!
女:(暗自欢喜)等我都买番对俾我bb先!
男:(暗自庆幸)好采我bb无买俾我者。。
女:(出现幻象)如果有其他颜色就好咯。。
男:(出言安慰)好采你着尼个颜色。。。。

以上句子唔单只对我尼对袜,对其它被冠上“kawaii”既物件都会有同样讲法~~唔知你又系咪其中一个呢??

2013年1月8日星期二

衝動

“~~衝動,我的心在發抖~~”一句來自動力火車《衝動》歌詞。

每個人都會容易陷於尼種情況,關鍵在于你“臨崖勒馬”定系“意氣用事”。

臨崖勒馬者:心思較細密,做事亦謹慎。甘尼類人系咪代表欠缺“冒險精神”呢?錯!只系詎地會將個風險減到最低,必要時都會出擊尤其系身不由己時。

意氣用事者:通常10個會有6個損頭爛額而返、2個死無全屍、1個全身而退,仲有1個梗系王者誕生啦!睇到尼個比率都會明白意氣用事者多,意氣風發者少。

突飆冷汗、心跳加速甚至顫抖尼種感覺唔系害怕恐懼至會出現,原來衝動都會。

2013年1月7日星期一

你燥嗎?

洗燥系一門高深學問,學,未必識;要靜待時機,一朝頓悟。

系我暫時結算人生活到29,一個人最燥既時候應該系~

1:馬路上,因為“~馬路上天天都在塞~~”加上d阿牟揸車橫衝直撞!
2:政府部門辦公/辦證件,無需解釋,心照。
3:公司開會,又悶又廢嗡又等俾人屈!
4:出糧後5分鐘,供車供樓還卡債等於份糧無晒!
5:男女朋友吵大鍋!相嗌唔好口,好多真相你唔想知道!
6:其他。。太多太多啦!因為就連訓唔好吃唔飽都會特別燥!

究竟點樣至可以洗燥呢??都系個句,高人至能參透箇中奧妙~~


“洗燥”外篇:「黃子華洗燥棟篤笑2013大馬站」
2013年第一場睇兼主持慶功宴既show~~

我好易滿足,只要接觸到有禮貌既人,就會好開心。

2013年絕對系好既開始因為接觸黃子華:

滿意:尼個主題仍然充滿哲學性探討,但仍然以幽默諷刺方式帶入~~功力深厚!

敬佩:同詎接觸時間唔長,但就如我facebook status所言「黃子華,台上自信口賤雄辯滔滔,台下謙卑溫文彬彬有禮。


2013年1月4日星期五

Salute任性的人

网络上所讲既“港女文化”或者“公主病”都皆因任性作祟。
大部分人将任性归类于贬义当中,忽略了任性的美,其实任性里暗藏:

《任人鱼肉》
-皆因当大家无话题既时候,尼为任性人就会成为众人打开话题既桥梁!功德无量!

《任天堂流泪》
-每次任性之后难不免有时会后悔继而流泪,但无人可怜你,从而学懂“别人笑我太疯癫,我笑他人看不穿‘,继续任性态度,坚持己我既精神令人致敬!

克己为人既美德完全系任性既人中散发出黎,下次遇到任性既人记得要对讵肃然起敬,任性既人勇气少d都做唔到!salute!!






2013年1月3日星期四

晨哥仔@初體驗-睡房篇

之後~~
之前~
睡房最紧要舒服放松。一直好想将间房油上暗色,但单色黑或深棕色都有种压逼感,今次放胆一试Nippon Momento copper cape色,属于深灰棕色,但因为nippon momento所呈现出既纹理条纹系灯光下更具立体感,不但不会令到睡房有压逼感,反而会令睡房增加空间感,好舒服,唔再系一幅好平坦硬蹦蹦既墙。可以好好地休息。。


 有d friend問我“可唔可以成間油上momento漆??我個人認為一個空間一副牆至顯得詎特別架嘛!!~~

2013年1月1日星期二

2013年尋找Guru行動

2013第一個好事就系-訓到自然醒(下晝4點)!正,兼one day off,唔使當班。

好啦,2012既目標幾乎都唔記得。

好在2011年既最後一日,一班不知好歹既最佳損友摞左個盒仔,大家寫上2012年既目標放入去封住,1年後再檢閱!結果。。。。10項目標只達到3項!其餘7項幾乎已忘記!所以今年亦一樣再立下d目標,當然系以舊年做唔到既目標為主軸!

舊年既教訓令到我意識到2013年定既目標裡面如要達到就必須尋找“Guru”!決定系2013既1月份尋找唔同既Guru,跟高人修行就會事半功倍啦!!

尋找既Guru範圍當然以“健康”同“學習”為出發點!

ps:歡迎要做我Guru既朋友留言~~大家2013創好自己吧!