2013年5月31日星期五

我去邊?

尼幾日既所有留言我都有睇,感動就一定架啦,多謝一直係“收音機旁邊”陪伴我既所有朋友,無捻過人生有過甘好玩既一頁。素未謀面既網友、聽眾,好似好遠但又好近,喜歡尼種感覺,可以當班on air係我既福氣~~多謝。

好啦,係時候一一回答尼幾日最多人問我既問題:

《點解辭職?》
半年前已經決定既一件事,無捻過自己可以守自己既秘密甘耐!!聲明:絕對無關政治、無關管理層、無關任何人。只系真系想停一停、捻一捻,吸收更多更新奇好玩廣闊視野。

《點解唔攞長假或停薪留職?》
mmh。。。總有期限同後路係前面會令自己有所約束,至少我甘認為。可能我無法一心二用呱!?

《之後做d咩?》
10月份希望能夠順利進行“遊學計劃”,所以6月中至9月中要再存d旅費!!
ps:雖然無on air主持,但如果有錄音或活動主持工作都可以聯絡我架~~
https://www.facebook.com/pages/Ansonkow/103998186341895
https://www.facebook.com/ansonkow?ref=tn_tnmn

《番黎做d咩?》
番黎重新揾工,重新應徵。未知架!!

《驚嗎?》
驚,不過相比30歲前都唔做架話“遺憾”既感覺我仲驚!








今日係最後一日系988當班on air。

由細到大我都無得過第一,人生第一個冠軍名銜係-廣播招考《公雞新丁》。
係6年既廣播路,有過不同搭檔:

《公雞飯碗》
陳峰、大寶、傑夫、阿晨

《哈嘍早晨》
大寶、傑夫、阿晨、秋月

《神秘月會kusokuso》
阿晨、秋月

《早點show》
陳峰、阿晨

《早點up》
大寶、阿晨

《街頭早點up》
大寶、may子、阿晨、阿健

《街頭早點up十點之後》
大寶、阿晨

《有個節目叫goodshow》
kk、阿晨、teddy
kk、阿晨、may子

6年黎要選擇獨一無二,最最最最最match拍檔,完全唔使捻-大寶!!
一個知識廣博、淡定大方、癲喪over既賢妻良母型主持。

一個眼神、一個停頓、一句說話、一聲令下,我地都可以相輔相成。
默契就係最好既證明。

我心目中排第一既良朋益友+最佳拍檔=大寶


ps:當然都有單人匹馬既節目:
《晨周7號》《夜夜晨哥》《全球華語歌曲排行榜》

2013年5月30日星期四

“二”第一感覺聯想到=两个男人。

曾经有幸同陈峰大哥搭档兩個男人一齊主持节目,星期一至五朝早10-12《早點show》,雖然一起搭檔既日子唔長但就令我畢生難忘。

記得《公雞新丁》最後五強既時候,峰哥曾經一個個同我地單獨對話,其中有兩條問題我特別印象深刻(雖然傾左個幾鐘,當時好騰雞)。

《份工,你會做幾耐?》
我記得我捻左唔超過10秒,答:5年,我系一個好驚rotate工作既人,亦會好快遇上瓶頸,5年既時間可以令我真正了解做節目既意義同目的,而到一個時間,我需要暫停去吸收新視野再繼續,我覺得系5年。(結果我做足6年~~)

《甘廣播呢?》
唔知醜答:一世。我喜歡分享,我喜歡做節目感受聽眾會一齊開心笑既感覺。

倒數第二日專登早番公司。

多謝峰哥,希望有機會做個節目叫「峰晨榜」。


2013年5月29日星期三

凌晨三点。
唔知几时开始,凌晨三点系一个失眠指标。
《煲剧上网》

《自煮宵夜》

《摊尸发呆》

凌晨时分系灵感泉源涌现既好时候,智者会善用升le;愚人则无无聊聊。

明显,凌晨三点做齐以上三项就愚人俱乐部荣誉会员。



2013年5月28日星期二

人生四步驟,每個步驟有個故事(只有我心知,不便道出):

《夢想》
最美好既國度,沈醉於此會萬劫不復。

《理想》
我會解讀為“你”就“想”,好多事都系事與願違。

《妄想》
達到理想之後親身體驗到既真實個案。

《不想》
毫無突破進展,可以選擇放低,直到想通就會不到你不想。


2013年5月27日星期一

yes!俾個“五”我,終於闖過尼關啦~~

上左6堂課,又手腳極度唔協調到ok啦。。
看似簡單既動作,但系“跳舞”卻系我人生一次小小既突破。

細細個就聽過亦特別記得“人之將死,其言也善”,可能就對尼句話特別有印象,所以接受左一項以往我絕對會reject既挑戰,尤其要在人群裡演出,我真系有d“人群恐懼症”架。

仲有五日。。捻過又未捻過。

2013年5月24日星期五

六舊(six pack),尼個系近尼幾個月見到身邊既人朝向既目標。
講真,我有捻過。。。只限“捻”,可能缺乏:

《飲食》
點可能可以拋“鍋”棄“酒”?!!火鍋+啤酒。。

《運動》
哈哈哈哈。。舊年捻住好有骨氣地唔要贊助自資報名健身中心,12個月過去了,上健身中心日子不足30日!!

《kaki=腳》
又系斜膊既時候,只怪無“six pack”kaki(好知己)!

2013年5月23日星期四

白雪公主與七個小矮人系第一個接觸既disney故事,嘛嘛地中意。
原因:

《太善良》
講真,我仲分唔清究竟系善良定蠢??

《戀屍癖》
點會有個普普通通、正正常常既男人走去kiss個陌生屍體??

《噪音》
你無聽過森林裡面不得喧嘩吵鬧既咩?唱歌??

《毒蘋果》
反而最喜歡就系有尼條橋,粒蘋果的確好吸引!經典!!


2013年5月22日星期三

八卦,系,第一感覺,八卦。

此八卦就系一班好奇寶寶不斷挖料,以他人事件(醜聞為主)作茶餘飯後消閒。

我八,但揀人八:

《知道但唔識既人》
《好熟既人》
《我唔反感既人》

至於其它路人,人講我聽咯,唔會有咩興趣;
因為“八”必須符合條件。

2013年5月21日星期二

九尼個數字好極端,可以系九五之尊;亦可以系三教九流。

“九”系一個令人有遐想既數字,原因:

《。。。還有》
好似九之後仲有好多好多既可能性,你會覺得九唔會系最後一個數字。

《夠大》
系單數字當中,以九為最大單位,出現雙數就失去矜貴感。

《浪漫》
長長久久。。。。

仲有。。。。粗口。

2013年5月20日星期一

第一樣捻到既應該就系《十全十美》,但我捻緊《十下十下》。

粵語俚語中既《十下十下》就系「個人接收網絡嚴重緩慢兼行動力欠奉。」屬於貶義。

甘點樣可以應對尼班“精英”呢?

1:將個人思維轉向最直接簡單既mode,千祈咪落埋曬d指桑罵槐、言中有物既指示要對方執行;若不,死路一條。

2:通常此類朋友或同事會特別忠心,只要定期稱讚詎或有意無意俾詎感覺你重視詎,詎出賣你既幾率絕對比任何人都低。

《十下十下》既人多不勝數,但亦好多時候d自以為聰明既人至系《十下十下》既俵俵者。
你、我、他也許如是。

2013年5月17日星期五

塞車??!!

唔知點解,「塞車」雖然系事實但真系好難開口。

原因:《難以令人信服》
個個都用尼個藉口,太爛了;一個真實既理由太多人用就會變成虛假既藉口。




2013年5月16日星期四

我不吃。水果的用處

【水果的减肥妙用】
1.苹果:上午吃最好。
2.柠檬:餐后喝鲜柠檬汁。
3.菠萝:当成主食每次吃半斤以上,坚持7天。
4.猕猴桃:榨成果汁喝。
5.葡萄柚:晚上吃。
6. 香蕉:可当主食。
7.山楂:煮成山楂茶。
8.火龙果:生吃、榨汁或制成沙拉。
9.草莓:和酸奶配合着吃。
10.橘子:不空腹吃。

苦惱著。。為何沒有榴蓮!!!唉。。

2013年5月14日星期二

你捻住系我xx咩??

你有无发觉有好多奇怪既女仔会系你身上得到d野?
唔系物质,例如:

《呵护备至》
虽则女仔真系应该被保护生物,但系妳要明白,并唔系奉旨呵护妳架!

《受欢迎》
部份既女仔都好中意d男同学、男同事或任何雄性生物留意讵相较于其她女仔!!甚至会比较点解你你你会同讵讵讵好倾过自己!!??


其实要化解尼种噁心既“罪咎感”(因为可能以上两项你无做到而令到对方有伤感被忽略感产生既无聊情绪),你只需要同自己讲尼两句说话:

1:你捻住系我女朋友咩?

2:你捻住系我老妈子咩?

你既所谓罪咎感???哈哈哈,就地蒸发。。。

2013年5月13日星期一

變身

細細個就愛上蒙面超人,其中一個原因系“詎識得變身”~~
變身既好處:

《做人地》
即系唔使做自己,可以放下對自己既束縛,盡情over。

《能量transfer》
當eq低至爆煲時可以立即變身,借鋤強扶弱為藉口,痛打壞人發洩,舒緩煩惱。

《獨家村》
即系六親不認,或者六親都認你唔到。

分身雖然都系變身既一種,但系,分身始終都系你原先既貓樣,所以並不enjoy。




2013年5月10日星期五

捻埋d無聊野

通常系無聊既時候會捻d無聊既野,例如:

《我唔做尼行仲可以做d乜?》

《我個仔如果日後唔生性打我點算?》

《我班friend日後無人無物我點接濟詎呢?》

《會唔會一訓唔醒呢?》

《有無可能同一個有錢美女結婚之後破產?》

《遇上車禍但系死唔去獲得超能力要唔要拯救世界呢?》

《我可唔可以唔好甘無聊捻埋d無聊野呢?》

無聊野會激發思考創意空間,你仲捻到d咩呢??

2013年5月9日星期四

難以啟齒既對象

每個人都有個難以啟齒既“對象”。可能係:

《老闆》
多數都系背後大大聲力數不是,面對尼個米飯班主又點會直諫呢?

《老婆》
哈哈哈哈哈,睇得戲多,對著老婆九成既人會。。咿以哦哦。。

《老媽/老豆》
唔係代溝,多數出現難以啟齒既子女,一者有仇,再者負恩。

當你真系成功克服難以啟齒既對象,你會鬆一口氣;但系,亦會感覺無聊兼無癮。

2013年5月7日星期二

6周年。快乐

(一)讲真,有捻过将播音工作当做终身职业。
(二)讲真,无捻过我既播音工作可以维持6年。

两者有矛盾,但合乎情理。

(一)因为捻唔到自己其他中意又比较有信心既野做。
(二)因为捻到江郎才尽、自我增值停滞既一日。

我唔系可以一心二用既人,正因为容易分心,所以每个阶段只能做一件事。

尼个阶段会觉得,30岁前唔做,30岁后就好难有勇气做。
至少我系甘。

系啦,第一阶段,6周年快乐。

2013年5月6日星期一

2008.2013

進入廣播第二年,歷經2008大選。
結束廣播第六年,見證2013大選。

有人話,今屆大選系歷屆最為轟動既一次,
由民眾既反應黎睇的確系甘,但兩屆既分別最大既火種源於網絡「facebook」既誕生!

2008,網絡發達但並未及時隨手可得。
2013,任何事一目了然,一click知天下事。

我絕對相信水能載舟亦能覆舟,現代人選擇相信網絡尤其facebook傳出既消息,但奈何你我都明白每個管道都未必能反映出100%實況,甚至會有謠言被傳既可能性。

兩屆大選既體驗,凡事不能睇表面。

好慶幸能夠有機會了解多d關於大馬政治環境既課題,
唔單只了解公民權益亦能夠傳播正確既公民意識以及公開多角度探討政策上既利弊。

只要堅持信念,承受結果;必定有機會力挽狂瀾,再創歷史新一頁。

2013年5月3日星期五

舞者?!

5月份進行不可能的任務=跳舞。

自認手腳極度不協調,尼個系一項終極挑戰!!
跳舞需要既基本條件我都唔符合


頭腦清醒-我一直處於複雜思想中,好難集中!
眼明手快-對唔住,我近視。
挺胸收腹-好耐已經揾唔到個腹(條腰)
骨骼精奇-開始有骨骼疏鬆了。。
富節奏感-我只跟自己既beat。

個極限運動皆因節目要求,希望能夠衝破極限。

2013年5月2日星期四

愛上Bollywood

近期迷上“寶萊塢”的電影,沒錯,是全世界年度出產電影最多的印度電影。
愛上印度電影皆因:

1.群戲勁多,因為隨時跳舞唱歌而且d歌曲越黎越流行曲感,尤其最近首《ajaana ajaani》真系好聽到爆(其實系2010年電影)!!

2.男女主角好迷人,印度人都有深邃既雙眼,高大、苗條既身型,養眼度十足。特別推薦《年度優秀生》《三個傻瓜》都會令你感到青春無限阿!!

當然大家記得要預多d時間出黎,因為普通一部印度片都要3粒鐘!!!

2013年5月1日星期三

应份

只是在做应该做的事情,没什么特别褒奖的。

《社会》
一名警察保卫国家是职责。
一名教师传授教育是本分。
一名领导以民为尊是正道。
一名媒体保持中立是专业。
一名商人品质保证是良心

所有东西都理所当然的话就不会有冲突矛盾,
可惜不讲道理、出尔反尔、独善其身是人性。