2013年2月28日星期四

小型音樂會(觀後感)

我承認,我抗拒舞台劇、歌舞劇或者任何現場既演奏音樂會,原因系,我太靜會笑。

尋日我竟然答應個friend去睇小型音樂會,尼個樂隊我真系從未聽過,既然有朋自遠方來,好啦,一班人去湊湊熱鬧,況且尼兩年開始懂得一個小道理「未試過又點可以say no咧」。

我音樂造詣唔高,只要達到一個簡單目標,我就覺得唔錯既啦,就系-舒服。尼組樂隊,舒服,總既黎講,詎地既演出:

1:每一個樂手都有型有款,贏左個勢!
2:超喜歡電子手提琴,小弟見識淺薄,真系好有趣兼好聽!
3:男主音同女合音既聲音配合好和諧。


我人就系甘賤,總會揾到我認為既小缺陷:

1:場地還ok,但座位過於擁擠;舒服既音樂但壓逼既空間會令人放鬆唔落,加上坐后座既觀眾根本睇唔到其他樂手既演出,唯有靠對耳,寧願坐地下/beansofa等等方式。

2:整場音樂會我只聽前4首歌曲(小弟off air趕過去真系好餓),曲目既驚喜唔大,至少聽左4首我都覺得好一致既曲風,可能尼d叫樂隊風格,揾到風格究竟好定唔好呢?但基於我第一次聽詎地既歌,所以無留下好深刻既印象(莫非好戲在後頭??都有可能,系我錯)

3:其中一首歌既所謂mv(一個男人拖住行李箱),如果換上系女人或穿上包鞋會好d,短褲踢拖破壞首歌既feel,好麻甩!!

點講都好,尼組樂隊可謂少數我希望可以發熱發亮既,老土一句,因為我真系感受到詎地好有“heart”,我希望有朝一日會系全球舞台見到詎地既演出。

以上言論純屬個人感覺。

2013年2月27日星期三

聚會

我喜歡聚會。

一般上既聚會都會選擇“用餐”,早餐、午餐、晚餐。
非一般既聚會就會選擇“用神”,精神、眼神、求神。

《精神》
精神層面既聚會;聽音樂會,睇舞台劇,參與講座,務求令出席者精神一致。

《眼神》
眼神層面既聚會;一班人圍坐,你眼望我眼,全憑眼神交流,但多數屬無奈或眼訓型居多。

《求神》
求神層面既聚會;做齊以上兩種,唯有心中求神拜佛,請儘快結束個聚會。

聚會選擇繁多,但實際意義反而少;是否大家已懶得去言語交流需要外界輔佐進行所謂既聚會呢?有點奇怪但亦屬平常。

2013年2月26日星期二

Oh No,丟架

尷尬尼樣野越黎越多人免疫,我真系好想向詎地偷偷師。

做主持既課程當中,有經驗既導師曾經教過尼一堂“唔好令自己尷尬”,裡面提到:

1:唔好隨便將個問題拋俾觀眾,尤其系“是不是”“對不對”“有沒有”或者“yes or no”,因為一旦觀眾俾你既答案系相反既,你會瘀爆;

2:唔好捻住你可以將個局面扭轉過黎,死心不息,控制觀眾思想,例如你心中既答案系“對對對”或者“yesyesyes”,千祈咪以身試法帶頭大聲嗌,你會瘀多鍋;

3:唔好高估自己既影響力,低估觀眾既智商。

當然,以上既動作因人而異,皆因受歡迎既人絕對可以駕馭以上舉動,場面溫馨熱鬧;反之,就要自己番去攝高個枕頭捻清除,令尷尬場面出現既罪魁禍首究竟系邊個。

大家謹記:「面系人地俾,架系自己丟。」

2013年2月25日星期一

齊人。人齊

「齊人,人齊」系有分別既;

齊人=齊行頭,大家赴宴,例牌出席;人唔齊照開席。
人齊=人行頭,大家赴宴,務必出席,人齊啦至開席。

每年同事間都會有個聚餐,每年都會有人離開;

1:離世
2:離職

我喜歡影大合照,因為大家系同一個空間,距離近了,隔膜薄了,雖然只系個一剎那,但仍然會感動,大家既相聚系值得乾杯;尤其每一年見到熟悉既面孔出現系同一張臺,百般滋味湧在心頭。

2013年2月22日星期五

i like「黃綠紅」

泰國krabi town紅綠燈
《紅燈=停》
經常開紅燈既人,親近不了,而機會通常會停系遠處。
《綠燈=行》
一直開綠燈既人,一切事物無論好壞都會變的順理成章。

紅綠就等於黑白,而甘口岩黃燈就等於灰色地帶,多人游走於此但卻不精於此。

《黃燈=“預告”/“準備”》
馬來西亞既黃燈只會系綠轉紅之間出現剎那,而國外反而無論綠轉紅或紅轉綠都會以黃燈間隔。生活模式令我地慣性忽略黃燈,可能有人忘記有黃燈尼回事。

經常處於黃燈既人,唔易失敗但亦好難成功;不過,詎地絕對系可以生存最耐既人。

紅、黃、綠。。。懂得變通,前方必然康莊大道。

“明明紅燈轉眼變成綠燈,抬頭前望去,對面馬路如此吸引”
取自歌詞「紅綠燈」

2013年2月21日星期四

silent please

靜D,唔該。

通常“靜”尼種現象都會順理成章聯想到:圖書館、平安間、深海底、深山廟宇。
其實系好吵既環境都會突然出現“靜”架:

1.情侶大吵一輪“我地分手啦!”。。。靜。。
2.課室老師問“邊個識尼題?”。。。靜。。
3.會議室上司“揾人俾d意見吖!”。。。靜。。
4.打仗廝殺之後。。。靜。。
5.國會開會問”點解用甘多錢既?”。。。靜。。
6.三姑六婆講人壞話“夠膽你當面同詎講!”。。。靜。。

總結種種,原來要人吵中變靜並唔系想象中甘難;只系,要人靜的甘願而可以持續就難啦,除非系死人。

2013年2月20日星期三

跨越語言既管理模式

我一直有個疑問:
為何會出現「不懂中文的人管理中文市場,卻沒有不熟英文的人管理英文市場」呢?

我觀察了一陣子,才仿佛找到一點頭緒。

1:不懂中文的人會找一班能夠配合說英文的中文員工而的確能找到一大班;反之,難。
2:通常這種情況都是“空降天兵”比較多,就是「一朝天子一朝臣」的時候。
3:英文教育的自信心比受中文教育的人更高出許多,他們總覺得“not a big deal”“i can do it”。

奈何,我只系識中文。

2013年2月19日星期二

你需要儲備金嗎?

尋日寫左句「今日開始要存儲備金」,結果大家都問我“咩事?”

唔。。。。乜原來我要存儲備金系甘出奇既事???定系,其實大家都無儲備金所以覺得出奇呢???捻唔明。

儲備金,顧名思義:儲存起來以備不時之需既基金,何謂不時之需呢又??

1:病
2:死
3:生
4:失業
5:借人
6:發瘟
7:。。。國家破產??。。。

當然以上7項得1項看似系喜事,但尼個所謂喜事系需要儲更長既儲備金架。
咳咳,我未有福氣;只系儲金喔,系人都想架啦!!

2013年2月18日星期一

蛇游Krabi

幾年前開始,每年既農曆新年一定有個例牌約定《一班老死出遊》。
今年揀左泰國-Krabi。

機票-rm460(airasia no luggage check in)
住宿-rm300/pax(Aguamarine spa & resort x3晚)

吃喝玩樂自己看著辦吧,其實消費都唔算貴既~~以下系記錄一班蝗蟲大飲大食既鐵證!!

平均一餐個人消費應該系120baht,但因為我地每一餐都share share大餐所以每餐都接近200baht。建議你如果要吃超飽又正,可以選擇aonang beach附近既buffet 250baht勁抵吃!!











2013年2月8日星期五

過年。驚

農曆新年對於大人黎講可能會出現D焦慮情緒「驚」,例如:

驚塞車

驚無花紅

驚肥

驚親戚問長問短

驚趕唔切工

驚唔夠訓

驚俾紅包out budget

等等等等。。。。

何必驚??既然驚都改變唔到事實,何不當“喜”咧!?!!

祝大家“每日有驚喜~~開開心心過好年”

2013年2月7日星期四

我。難相處

自認最缺既野唔系錢,而系“相處之道”。

古人雲,相處之道貴乎坦誠;奈何,現代人唔吃尼套。

有人會覺得,做dj既,最厲害就系打開話題。
其實無錯既,之不過對於我黎講,打開話題只會系「熟人、mic前、或者飲大左」既時候,對於應酬社交尼樣野,試過學習,但學既都唔上手。經過多年觀察,發覺問題出於:

「樣」
我曾經問過一班最要好既知己良朋,再綜合同事路人既睇法,估唔到大家口徑一致「你成日面黑黑甘,唔系甘好相處」。。。還在研究。。真既。?!。

「講」
講話用詞得兩個方向,1=太直接,2=太正經,唔識哈啦之道。。失敗。。

乜我真系甘難相處咩??


2013年2月6日星期三

打算

通常一个人做左d决定,旁人都会问“你有咩打算?”

其实“打算”尼样野好奇妙,因为任你机关算尽,都可能徒劳无功。
当然,亦唔可以下下随缘咯甘既,人,总要为自己“打算”;而最常见需要“打算”既事就系:

家庭-寻找家眷,为自己完整的美满鸳鸯梦作打算。
事业-寻找家用,为父母妻儿的无忧经济路作打算。

至于通常答唔出有咩打算既人,讵地既诠释就会系[打算=“打到黎至算啦!”]

2013年2月5日星期二

世上最笨既事

世上最笨既事莫過於你捻住系一個秘密但其實全部人都已經知道。

言語同表情系上天製造人類一樣好偉大既“功能”,因為:言語同表情會令你看出端倪,例如

八字眉望住你講“加油啊!”
嘟曬嘴講“唔好啦。。”
眼超超講“原來系你啊?”
㫽大對眼“真架?”

以上既言語同表情已經好明顯話你知,你既所謂秘密已經唔再存在啦!
不過,當你知全世界已經知道你既秘密而又無人敢同你求證既時候;話你知,講尼個秘密出去既人系講完個秘密之後一定加左句“唔好周圍同人講!”。

如是者,每一個講俾下一個知既時候都會加番官方ending“唔好周圍同人講!”。
重點系,當尼個所謂既秘密傳到你耳邊既時候,ending就會換成“唔好講系我講架!”,因為個秘密既當事人就系你!!

知道全世界已經知道既痛苦就系,你唔可以親口講番個秘密出黎!!

2013年2月4日星期一

穩穩的幸福

前兩日收到首eason新歌《穩穩的幸福》,突然有d感觸,因為歌名。

幸福系我地人生追求既最大動力同目標,但系人就好似一個無底洞,永不知足。
對於《穩穩的幸福》有著愛恨交纏既思緒。

愛:「一心一意」
家庭、事業、人緣所有事都系預計之內,無大風浪亦無需要承擔大風險,穩穩就好。

恨:「得一想二」
目標會越黎越大、越黎越高,偏離最初定既幸福定義越離越遠。。。

對於“恨“既人,只因詎地天生基因裡面暗涌著「不安於室」既計時炸彈。

不安於室的人往往會将穩穩的幸福拋諸腦後。
我系,你呢?

2013年2月1日星期五

花紅的疑惑

如果你問d打工仔每年最期待d麼,十之八九會答你“年終花紅”(除左個d一早簽約已經聲明絕無花紅既朋友)。

你聽過d人點樣形容花紅尼樣野呢?

版本1:
就好似愛情甘,睇緣份咯,不過最怕有緣無份。

版本2:
俾就人情,唔俾系道理。

版本3:
詎虛無縹緲,好難等到d花變紅。

花紅系會令所有打工仔都趨之若鶩,詎既魔力絕對比可歌可泣既愛情更令人期待同著迷!

不過,一向領慣花紅既朋友千祈咪大安旨意捻住坐定笠六,你唔知花紅可能系“花無百日紅”既縮寫咩??