2013年11月30日星期六

《晨西遊記》day58:上課。8日

哎喲喲,原來得番一個月既出遊、8日番學校,時間過得真系快。

上個星期其中有位老師即席示範西班牙有名既Flamenco音樂,除做同班同學仔講解Flamenco既一d文化細節之外都會直接令同學仔融入係教學當中。
有時覺得老師真系需要:

《打成一片》
唔係叫你降低身份;只系覺得何必擺高姿態呢?

《靈活教學》
總會覺得實踐比齋讀更易入腦。

《輕鬆自在》
雖然系一份工,但詎地好享受個時刻。

教育尼個行業真系好辛苦,無論心理同身理都要兼顧而且要有好高既情商指數。
再一次同班盡責既教育工作者講聲“多謝~~”

ps:就系尼位Juanma老師系我想放棄繼續上詎地課既時候俾我輔導同信心,~gracias~

2013年11月29日星期五

《晨西遊記》day57:“仍”活著

一早收到whatsapp,一位舊公司既老前輩同事離世,心情突然一沈。老前輩係技術部既主管,以前週六、週日都有做直播節目既時候,經常會撞見詎穿著便服系公司出現,原因系番黎檢查器材,update系統確保整個技術部既同事們一切可以順利甘支援節目播放出街達到最佳效果。當然,我地經常會傾番幾句。我對詎既感覺特別深刻:

《永遠年輕》
雖然已經系退休年齡,但心境一直保持年輕,中意笑亦經常同我講笑,見我有時心情唔好都會黎慰問同鼓勵。

《幫手又幫口》
舊公司幾乎所有dj都會同詎有接觸,因為經常煩住詎要借錄音器材;而詎好神奇地真系會記得邊個攞左架機兼負幫手+幫口“追機”番黎以致dj順利出差錄音。

《講華語》
難得一位見到我會仍然講華語既同事(皆因好奇怪地所有同事就算唔系好識講廣東話但同我會自動轉廣東話!)我地經常用歪歪既華語交談。

知道詎離世之後當然會傷心,但知道詎系夢中安詳甘離開,心裡面至有d安慰平復。

尊敬既Mr Ng,一路走好。

ps:一個人能夠憑著自己既能力範圍之內令身邊既人幸福同開懷、甚至離世後會令人記掛同懷念,甘就足以證明你曾活著而“仍”活著:反之,你一早已經“唔存在”。

2013年11月28日星期四

《晨西游记》day56:友女陪

所谓“有朋自远方来,不亦乐乎”,更何况尼个远朋仲系自家乡既马来西亚人!兴奋指数上升!

友人嚟到马德里公干之前已经通知话会逗留多两日,所以约讵“顺道”到San Sebastian一齐出游。友人相伴既乐趣包括:

@难得同声同气,真有讲不尽既话题!
@可以尽情食物分享(☆_☆)
@讵系一个既大胆又好玩既女包!

出游56日里面,呢两日系讲最多广东话既,个种亲切同舒服真系无法形容(虽然即将回国)尼个惊喜绝对系意想不到,千金难求!

ps:每次po同女性友人既合照仲会有好多“祝福”,甘如果po同男性友人呢??得闲试下先至得!!哈哈哈

2013年11月27日星期三

《晨西游记》day55:出游爱搭巴士

去到一d陌生既城市如有再多既时间,我都会选择搭巴士。原因:

@巴士路线专针对当地人既居住环境同需求所设,换言之,巴士所经过既路线定必系当地人最多出入同云集既地方。
@国外巴士通常都系通票,一个价钱任你搭到落车,1.60欧罗有暖气、有座位、有风景,抵!
@每当唔知要去边既时候就会搭巴士,随意上车亦随意落车,唔使慌,因为真系有既系时间。

系西班牙搭巴士有几样野要注意:

1-不能追巴士,罚钱。
2-竟然有找钱!!
3-座位唔多,空间会留俾企位同轮椅位。

今日搭巴士既原因亦多一条,唔想行4公里番酒店,因为已经行左成日。

2013年11月26日星期二

《晨西遊記》day54:西人熱情

西人既熱情在於你同詎有眼神接觸、講聲'hola'之後會爆發出嚟!!

故事系甘既:

深夜番到酒店,因為住Pension即係西人民宿所以房間唔多(但超正,下次介紹),大門左手邊有個corner系屋主細心準備既各類咖啡(有咖啡機)、茶包、清水、牛奶同電腦上網既空間俾旅客吹水,入到門口睇到屋主同其他兩間房既旅客閒聊,好自然地講左'hola'兼叻叻甘發牙痕去用好爛既西語問詎地邊度有24小時店買野食!大家好認真甘捻最後答案系無既!!

正當我同詎地講完晚安再見開門入房之時,其中一位旅行叫住我,捻住咩事吖!?原來詎話詎房間有d食物,叫我等下,另一間房既旅客亦番房摷食物俾我!!盛情難卻之下我收到圖片上既食物!

好多人出遊、工作、生活都可能缺乏同人有多溝通,唔願意踏出第一步、同對方講第一句說話甚至望一眼;但其實有時會有小驚喜、小感動出現連貫你既一個小動作。

ps:好飽!

2013年11月25日星期一

《晨西遊記》day53:San Sebastian@跑步

跑步好似個人生經歷,裡面充斥住「衝勁、忍耐、疲倦、不服、放棄、堅持。。等等」所以少運動既我都會跑下步。

黎西班牙之前都知道將會有幾場馬拉松賽事,雖然無本事跑半賽或全賽,但至少有個類別系10公里。上個星期終於網上報名,雖然有d打定輸數但仍想嘗試,既然想不如做啦!

現場既戰況俾我上一次參加系kelana jaya既差很遠:

@malaysia比較似嘉年華,西班牙反而就真系純跑步,可能無設立d商家booth系條馬路,封條路齋跑起點!
@好鬼凍,得個四至六度既慢跑。唔甘停低休息,皆因一路上有好多圍觀者打打氣!所以唔衰得!
@好多圍觀既啦啦隊不斷俾鼓勵,無論掌聲話叫你名(有幾次西人叫tack soon,我當場嚇一跳)真系會有動力d。
@最後終點設立系體育館入面,跑完d人就超熱鬧啦,西人仲中意影相過我地,狂影!!但尼個做法就完全舒緩交通次序。


大戶會限制10km只有1粒鐘,結果我failed超出1分鐘56秒!!一路上有好多次想提停低休息,但一秒後就俾後面黎既隊友鼓勵繼續跑,所以基本上都無停。

跑完梗系要慶功啦,獨自慶功但仍然興奮。參與活動好過齋睇景吖!今日絕對難忘!
ps:雖然爭d跑第尾(but都應該系尾10以內)但都已經盡力。盡力做一件事既滿足感比做好一件事更大。

2013年11月24日星期日

《晨西游记》day52:San Sebastian出游@目的

点解会拣San Sebastian??有3点:

第一,呢度堪称西班牙北部最靓既城市。

第二,获选全球最正城市排行榜第五名。

第三,我参加左一个“不可能”的任务。


大家都知我无乜运动,所以至于结果系点、跑唔跑得晒都成问题!虽然打定输数,但未发生既事你又点知最后无机会发生呢!?重点在于你“捻”住唔会发生,定系“做左”之后仍唔发生;两者结果听落一样,实际上绝对大差别。

希望听日一切顺利啦,天气预测会落雨,气温介于4至6度!

ps:中意个号码6800,好意头(☆_☆)

2013年11月23日星期六

《晨西遊記》day51:西剷髮記

要系陌生既地方體驗生活,梗系要做到平常生活都會做既事,例如:剪頭髮。

放學番屋途中見到一間有相當規模既理髮店:

@入到間店,直接洗頭,我覺得比較似洗面。
@我覺得我系一只寵物,點解會齋“剷”?仲系亂剷!!
@我可以絕對肯定我系一只寵物,驚嘆亂剪既“功力”
@15分鐘後,完成;收錢,十歐羅。

mmh。。。對於尼個體驗,我只能夠話“都系番大馬剪髮安全d。”

2013年11月22日星期五

《晨西遊記》day50:煮多兩味

時日無多,皆因12月14號就會同班同屋共住既“弟妹們”(我最老)say “Adios”@@所以有時間就煮多兩味俾詎地試下。千辛萬苦至揾到d東方食材=「豆腐同榨菜」,所以儘我所能啦!

放心,我系唔會系度分享食譜架(攞架來丟)。。睇相好啦,評語系:

@豆腐好好味!
(皆因有同學仔人生第一次吃豆腐)
@幾辣下!!
(我催眠詎地“un poco picante,poco”)
@煲湯好正!!
(儘量揾d唔使用腦既煮法,齋放水放晒d食材,煲,搞掂)
@榨菜好好味!
(無錯,大家應該系第一次吃榨菜既。。)
@蛋煮6粒鐘!
(皆因系個煲度等入味既時間都加埋)


對於以上既評價我絕對唔會自滿,因為我知道皆因同學仔少吃中餐兼simpatica,但我仍然感動詎地幫我清晒d食物。

ps:再放心,番黎馬來西亞我系唔會獻醜既~~仲有同場加映女同學既一煲咖喱雞(已經吃到一半所以無影到相,solisoli)

2013年11月21日星期四

《晨西遊記》day49:國際美食周

訓晚兩位德國女同學一展廚藝炮製“德國菜”,真系fanstatico,可惜我無影到相,十分遺憾。今日男子組出現英美聯手既局面(英國+美國)為我地炮製“西班牙菜”!!講真,開頭捻住真系班柴娃娃玩下者,勢估唔到原來個個都功力深厚、深藏不露!!

首先出場有黎自英國既高材生Mike,身高185,18歲(單身)。除左學西語之外仲做助教!

再黎系有黎自美國既活力先生Josh,身高168,21歲(單身)。好玩、好動兼好學(講話好快)

剩番同詎地相處既時間唔多(22日),所以大家不斷show出看家本領令到同屋主們有個美好回憶~~

ps:死火,聽日我煮咩好呢??



2013年11月19日星期二

《晨西遊記》day48:簡寫espanol

懶同揾捷徑系人既天性,每一種語文幾乎都會出現“簡寫”。所謂既簡寫唔系話“btw”“wtf”或者其他原本字眼縮短既簡寫,而系正規文法運用上應用既其中一種正統既簡寫。

今日西語老師教到一part名為“Pronombres Objeto Directo/indirecto”裡面就教點樣簡寫第一句完整既句子之後既句子或者回答。(原諒我未換成西語輸入法,有d標點符號無放)
例如:
完整句子:Juan regalo a ti flores por tu cumpleanos。
簡寫句子:Juan te las regalo por tu cumpleanos。

完整句子:Marta preparo una tarta para su madre。
簡寫句子:Marta se la preparo。

當然要成就簡寫語法都有一定既程式,需要學習運用自如。不過只系驚有時慣性用”簡寫“之後忘記”完整“究竟系咩樣,簡寫始終唔能夠表達完整既意境同思想,尼樣野同生活一樣。

2013年11月18日星期一

《晨西遊記》day47:一人@Segovia

黎左西班牙甘多個星期,可以話系唯一一次@一人出遊。每次都有班同學仔陪同,今次臨時臨急所以無約人去Segovia。

Segovia距離Salamanca巴士程2個半鐘(中途Avila轉車,來回共21.89歐羅)。出發前check過yahoo天氣預測話會陽光間中多雲,點知落左成日雨,唯有買把遮。好啦,Segovia有d咩??皆因我系死遊客,所以Segovia4寶,去勻:

《Roman Aqueduct of Segovia羅馬時代水道橋》
1985年入選世界文化遺產當之無愧,皆因歷經2000年仍然屹立不到。無任何水泥、釘或接駁位,單憑一塊塊花崗岩石疊成既水道橋系用作引水源入城。有個傳說,大致系話一個相當懶既擔水美眉厭倦山長水遠甘擔水,結果向魔鬼作交易話“如果可以系一晚之內雞啼之前d水源可以自動送到門口就將個靈魂俾魔鬼”結果魔鬼就真系一晚之內趕工建個水道橋。懶死美眉開始後悔,不斷祈禱聖母打救。終於慈悲既聖母出手啦,就系魔鬼放上最後一塊花崗岩石之時,無啦啦只雞啼!!最後,懶死美眉靈魂得救兼呃到魔鬼既水道橋(。。個懶死美眉比較似系魔鬼咯。。)傳說黎架者,但幾有趣~~

《Alcazar of Segovia白雪公主城堡》
據聞Disney片頭個個城堡logo系參考尼座城堡而成既,所以d人叫詎白雪公主城堡。其實尼個系集合王宮、監獄同軍事博物館於一身既古堡(大致上西班牙d城堡都叫Alcazar)。入場費4.50歐羅,登頂加2歐羅。講真,由個門口開始就已經好有disney童話feel,可惜天氣好差,如果藍天白雲一定好靚~~

 

《Catedral of Segovia大教堂》
mmh。。。當你不斷甘系唔同既城市都睇甘宏偉既教堂既時候,你會。。ok一張合照。

《烤豬仔Cochinillo Asado》
好啦,名氣最大兼有米芝蓮既就系最靠近水道橋個間百年老字號(之後你會發覺幾十間都系寫百年老字號!!)下晝1點營業,但可能我穿著寒酸呱,入到間店完全d人當我透明,當時仲系無客人架(因為d西人大致2點後至午餐)結果我坐系張臺5分鐘之後行番出間餐廳揾另一間唔“嫌棄”我既。之前上網都見到尼間評價相當高,好啦,試下咯。吃完覺得我比較似擺上臺既豬仔,35歐羅。肉質系唔錯但比起Avila吃個個真系差幾皮。。

好啦,Segovia絕對可以1日游,因為景點都算集中,但如果你想睇夜景,可以考慮過一晚,路過d酒店幾有feel,周圍都好多cafeteria同bar,我捻夜晚一定好靚。

ps:留意餐廳其中一圖,老闆娘真系覺得教個細佬切豬頭甘做好咩??陰影好大咯~~but聽講系祝福,用個碟切完只豬除左代表只豬皮脆肉嫩之外,當場椗爛只碟系blessing喔。。(我覺得似系殺完只豬想毀屍滅跡個兇器多d)!