2013年7月31日星期三

壯游台灣。失敗了

好耐無參與任何形式既比賽,6月尾收到台灣青年旅遊既一封mail,年度既《壯游台灣》番黎啦!記得2011年有寄過一份計劃書(草草幾只字,當然結果落選啦!)

先講下個《壯游台灣》,今年黎到第六屆。我所認知應該系:

1。公開俾任何18-30歲既青年(所以今年系last year可以參與,特別緊張)
2。策劃至少10日壯游台灣既行程,當然要有創意主題同具執行力架啦。
3。要系指定時間內完成尼個任務。
4。亞洲地區被錄取者可獲得2千美金既壯游金去實踐自己既規劃(會再扣除20%稅務)。
5。必須至少10篇此趟旅程既文字分享(附加圖片/視頻更佳)。
6。每年只得20個名額。

今年就俾d心機,策劃左一個名為“like島台灣尋寶”針對台灣離島既旅遊行程。6月尾寄出既計劃書一直期待今日公佈錄取者。今朝開始不斷刷新活動官方網站,終於陣話官方網站公佈錄取者名單-我又失敗了,也代表著沒辦法再參與了。(這屆全球有686人參與)

參與這活動有幾個理由:
1。難得離職了,有的是時間。
2。有官方的資金資助自己平時不會去規劃的旅遊行程。
3。想在去西班牙之前來個滿足火鍋美食+陽光沙灘之旅!
4。想藉著這個機會了解台灣對於推廣旅遊整個計劃的步驟和規劃。

可惜,和台灣沒有緣分。失望是因為一直有所期望,但結果還是得接受啊,只是覺得,錯過了這次,真的不知道何時才有去台灣的衝動了。好吧,可能真的是告訴我說“好好規劃你的西班牙,別多心了!”哈哈哈,機會留給其他人吧,祝你好運~~

壯游官方網址:http://youthtravel.tw/youthtrekker/

2013年7月30日星期二

The Conjuring招魂

Hollywood既電影小製作都幾千萬起跳,好似尼部《The Conjuring-中文譯名:招魂/厲陰宅》都要2千萬美金製作,不過上畫1個星期已經狂收4千萬美金票房,勁!

通常尼類“祛邪驅鬼”既電影我都會覺得了無新意,因為真系“祛邪驅鬼”四個字講晒,唯一吸引既系睇下電影裡面既氣氛會唔會帶人入戲仲有個故事會唔會過份牽強(畢竟睇既人都真系無親身經歷過,要相信都仲有d難度-touch wood)。

入戲院前都真系俾個導演James Wan 溫子仁(東馬人)既舊作所吸引《SAW》《The Insidious》遲d仲有《Fast and Furious 7》。前兩部恐怖片確系嚇死人唔賠命,今次尼部:

「氣氛一流」
恐怖片尤其系所謂既靈異片(鬼戲)絕對系需要營造氣氛令觀眾有置身其中既感覺,可以既話最好就將人平時會做既事甚至有同感會撞鬼既事加入劇情,詎成功了,睡房絕對系致命傷!

「經典一幕」
無論任何創作,都希望可以留下經典,除左延續《The Insidious》影相抓鬼之外,都有另一個招數嚇人!請留意劇情講到女主角(受害者)單獨入到地下室時既情節,唔好用隻手遮住,我個人認為系好正既!


至於劇本就唔多需要講了,真人真事小說改編。睇恐怖片少d邏輯思考多d投入參與感會享受好多,畢竟尼個世界並唔系每件事你都有機會親身碰到經歷架。

ps:步出戲院聽到個靚女觀眾同詎既friend講“(華語)唉,最恐怖就是看一點都不恐怖的恐怖片”。。。我心捻,莫非我真系甘細膽??

2013年7月29日星期一

08年的台湾住宿全记录

落实了年底的西班牙游学不断寻找周末短假住宿才发现租金真的太吓人了!!想着想着就突然想到台湾了!说实在的,台湾真的是旅游推荐的好去处,原因是“衣食住行都能负担”而且是属于享受的而不会委屈,尤其是住!记得5年前第一次去台湾!

看看video,当时去11天的行程特别住了5家不同的旅馆(民宿为主)。可能因为我特好住不一样的地方,所以才不劳辛苦的把重重的行李搬上搬下。

当时录下住宿记录是给自己做个小留念用途,不过最近身边好多朋友要去台湾了加上在硬碟中发现这遗忘了的视频,随略放在一块就post上来了,免得以后又弄不见了!

5年前的价格和现在应该也会有些差距但不至于翻倍吧!!

ps:其实蛮希望在9月份再去一次台湾才去西班牙,把所有好料火锅统统一次吃个够!

2013年7月27日星期六

我的第一次。陈奕迅

1998年,个阵读中四,第一次买正版cd就系陈奕迅既尼张《新生活 新曲+精选》。

其实张碟系2手碟,因为有个friend既家姐买错碟,甘我拎左番去听,一听就已经着迷,最后要求对方转让俾我。喜欢张碟有两个原因:

《剧场版过场》
几乎每2至3首歌就有一段好有趣既eason独白剧情黎到带d歌入意境,无论声音演绎、剧本对白定系个配乐都非常match!劲正!

《19track首首中意》
好难得搵到张碟系可以track1听到19最后都觉得好听既,尼张系我暂时唯一听过既一张。

《我的中学时期》
拥有尼张碟既时候撞正屋企有第一部电脑,每日开住黎玩《red alert》《empire》《the house of the dead》,亦陪伴我每晚通宵应考spm(中五试)。

捻起个阵仲拜托系婚纱铺做既家姐将张歌词纸(系一张海报大细既歌词纸,折成一本)过胶,担心会折烂;过胶后就因为size大左放唔番落cd盒,搬过几次失踪了,好在最爱既cd还在身边。

虽然过左15年,但尼张碟仲一直放系身边(车内常驻cd),每次有咩心情上既大起伏或者情绪失衡,我都会放只碟落车既cd机,突然就会忘却一切。

ps:电台工作关系同eason接触过几次,有冲动想攞张专辑俾讵签名,但最后都无;我捻,有缘份既话,我会同讵做一个单独既人物访问时至俾讵。(我竟然搵唔番同eason既合照)

10年前劫案-7200

10年前俾人打劫,但又算唔算系打劫呢?

地點:吉隆坡金三角
時間:大約下午3-5左右

十年前Nokia出左一款對折型手機,我同個老死去金河買(當時黎講系需要儲一段時間錢至捨得買,我仲讀學院做parttime)。依稀記得系大約rm1200,用左1星期左右,個陣好滿意架!可惜。。

話說1星期後同個friend去金三角行街,正當由金河後門去時代廣場方向既大路,突然有3個男人圍住我地,其中一個對住我friend講"喂,你打傷我兄弟吖!?"當時我倆愣住了一直講佢認錯人,但班人越黎約惡,其中一個凶我地"跟我去俾我兄弟認下,唔系至放你走!"結果。。我地跟左班人去!

去到一間無人既foodcourt我至發覺“瀨野”!可惜太遲了,去到一張臺坐住個懷疑系大佬既人物(真系傳說中凶神惡煞個隻)身邊又有多4、5個“靚”。。。唉,最搞野系個大佬仲要做埋場戲求其叫個阿茂出黎認人,當然“鐵證”就系詎認得系我地打傷詎兄弟啦(你想像唔到當時我地幾甘無奈,明屈)正路梗系問個大佬“想點?”大佬好坦白“將你地身上所有值錢既野留底當湯藥費,如果我地一陣摷到你知會點架啦。。”唔使睇後續都知尼兩個20歲唔到既死靚仔(即係包括我啦)將手機、銀包裡面個幾十蚊同我friend既金鍊、戒指統統充公!!之後仲好有義氣甘話“件事就甘算啦!”放我兩個走。(d對白究竟系電影抄詎定詎抄電影既呢?)

最後既最後梗系報警啦!搞完一大輪就拖住黯然既身軀去mamak檔同其他好友狂呻笨吖!!

雖然事隔十年,但系都會不時捻起當時既情景;
有人問我如果依家再遇到會點?(touch wood)我捻,我會同詎傾多d野,難得既訪問對象。





2013年7月25日星期四

拍拖要有揸拿?

一班friends吹水:

男a:聽講你拍拖喔?
女a:系吖,好耐咯
男b:好耐??拍左幾耐?
女a:4個月
男c:甘都話耐?依家d後生女!
女b:依家無乜熱戀期架啦,尤其近30
女c:當你上一段系5、6年既關係,接落黎既關係過到1、2個月你都會覺得好似好耐架啦
男a:甘你有無d揸拿吖?
女c:癡線吖!
男b:哎唷,梗系有d禮物架痲!!尤其貴重個d,唔好蝕底!!

傾到尼度,開始進入訪問模式。。

1。何為耐呢?如何定義?耐=悶了??or穩定??
2。年齡會局限擇偶條件??降低定昇le呢?
3。拍拖要有揸拿尼個觀念系腐敗定現實呢?
4。就算有揸拿,但依家仲會唔會有人分手後要求攞番既呢?
5。就算要求攞番,但對方有俾唔俾呢?點俾呢?

以上內容都有應個別經歷而得到唔同答案;
唯一相同既系,大家仲好嚮往拍拖(唔論咩年紀。)

2013年7月24日星期三

迷離夜



身邊既人對尼部電影既評價系“失望”,引發我更有興趣去睇,加上有損友陪伴,終於入戲院觀賞-《迷離夜》。
一部香港著名驚悚小說改編既電影,睇完電影,反而系“ok喔”,可能:


《眾星雲集》
梁家輝、任達華、陳慧琳已經夠照,一堆資深老牌演員盧海鵬、邵音音、顧美華再加一班新演員陳靜、顏卓靈齋睇演員都睇唔切,綠葉更系一籮!!!

《對白爆笑》
留意梁家輝、陳慧琳同邵音音。

我系膽小既人,連我都唔驚,甘尋求俾部戲嚇親個種快感既朋友相信會好失望。
ps:只要熬過任達華第一個故事,娛樂效果就會接踵而來,華哥都系專心做演員比較好。
仲有《天倫》既姑姐-顧美華

      尤其鍾愛尼位90後17歲新演員顏卓靈





















2013年7月23日星期二

衝上雲霄-專業版?

尋日個friend話出現左個“好得意”既likepage,睇個標題《衝上雲霄-專業版》。顧名思義就系將《衝上雲霄2》劇情裡面交代到關於“飛機同機師守則”誤區進行抽絲剝繭!!究竟有幾堅呢?大家不妨入去睇睇(雖然我地亦分唔到真假,但奈何我系選擇相信尼個page多D),可能系:

《誠懇有力既簡介》
“大家好,我系XXX,之前系FB post左好多衝2既錯處,唔系想笑TVB而系希望多d人認識航空界既正確知識。我飛左波音747四年,Airbus八年,如果我有講錯野,希望其他行家指正”

《粗口禁區》
裡面有網友用左齋彈無建設既粗口留言,版主亦會回復“尼度唔歡迎粗口”“有人post左d侮辱空姐既字眼,已經俾我delete左”!!有責任心既版主唔嘩眾取寵帶頭鬧爆博紅不得只,仲會堅守原則不偏不倚(我都有d感動)ps:先聲明,我都講粗口既;but只限熟人發癲。

《知多d》
睇完你會。。。“喔,原來系甘!!”兼且追劇會更投入;但亦可能出現疑神疑鬼後遺症-凡事都懷疑究竟系咪甘既呢?

嘻嘻,有興趣撐下既網友(尤其有追衝2劇既)不妨到此一游~~
https://www.facebook.com/hkpilot

2013年7月22日星期一

2013遊學。Chapter 3-瑞士入圍了

尼幾日一有時間就狂上網揾幾個地方既資料,因為除左74日會系西班牙之外,仲有15日系“放假”,即系課程完結離開西班牙到鄰近國家hea下~~暫定有《威尼斯、瑞士、德國同阿姆斯特丹》當然個list隨時有更動,而原先不在名單內既瑞士竟然成為我最想去既地方。

《小鎮風光》
雖然系冬季,但捻起d雪山就興奮!!加上小鎮平實而細緻既風景。。啊~舒服~~

《雪山溫泉》
尼個系最最最吸引既一個大賣點,尤其露天溫泉被雪山環抱。。啊啊~舒服舒服~~
網上圖片參考
網上圖片參考

難題在于,出遊89日既我系有個大行李箱(隨後15日想拋棄詎,皆因已準備背包),點處置個大包袱呢??如何上雪山啊!!有點頭痛。。

ps:捻過將行李寄去阿姆斯特丹機場,但誰人接收呢??又唉。。。

2013年7月19日星期五

有時間

細細個開始成日聽"有時間就好好利用,進修下"。尼樣野到我大大個都做唔到,應該話唔去做。

尼兩個月系有好多時間,但又唔系甘多者喔!唔明??

1。基本上除左電視劇播映時間之外,其他時間我都無理。

2。上網系會"忘了時間的鐘"。

3。如果嘥野系奢侈,甘嘥時間系咩呢?依家以身試法,遲D話你知。

寫緊稿既尼刻,係坐系間火鍋店門前既樓梯位等緊個老友放工黎晚餐,約8點,我7點已到。唔緊要,有既系時間。

2013年7月18日星期四

Banana效應

有人話“白癡至會去排隊買只公仔”;亦有人鄙視“唔好甘低B啦”。
尼件事我唔系甘睇。

1。任何事物系用自身勞力(漫長排隊等待)換番黎既,兼且無傷害他人就已經無問題。

2。大家都知系生意銷售策略,不過都抱住「太公釣魚,願者上釣」;你不願唔代表其他人唔可以做愿者,各有所好。

3。雖然話happy meal有人唔再happy,但因為目標達到而吃的更happy既人都唔少,點解我地往往會以“大比數”做道德標準呢??

4。以上個人感覺只限於對奉公守法排隊買野既人士,排隊買野系無問題架。

the not so bad-ass minion

雖然我近排時間好多,但如若要我為左只公仔去排甘長龍,自問就無尼種能耐同熱誠,所以抵我無得玩。


2013年7月17日星期三

蒲酒店

旅行,有人話大部份人既整體消費中佔接近3份1既就系-酒店住宿!(當然背包客另計啦)酒店住宿既要求我通常會分為2類:

《購物夜浦團》(香港、台灣、首爾、北京、曼谷、上海、新加坡)
-求其住得平,公共交通最緊要方便,最好步行5分鐘之內到捷運站。
-基本上除左訓同沖涼,留系酒店既時間系少於8小時(喜歡半夜落街宵夜)

《山山水水團》(bali、pattaya、krabi、sukhothai、濟州、蘇州、鄭州)
-好明顯一心黎hea同放慢腳步,酒店舒適度往往以度假感覺做第一考量。
-包車服務以致時間已定,大部份會系晚上9點前就番到酒店。(尤其一班好友團,最好間房夠大夠private可以成班晚上癲)

依家既《精品酒店》同《民宿》較受歡迎,兩者比正規酒店既價格較低兼設計獨特時尚,絕對划算。

ps:香港近期有個旅遊資訊節目《蒲酒店》幾唔錯架~~值得參考,當然價格會高d啦。

2013年7月16日星期二

衝上雲霄2

又一部十年前紅極一時既劇集延續篇-衝上雲霄2正式啟播,確實對於港劇愛好者既我黎講系有所期待既,不過缺雙陳:

「無陳慧珊」
雖然上輯詎條感情線相當悶同拖拉,但無詎又有D失落。

「無陳奕迅」
網友話主題曲似墜機歌!林子祥系殿堂級歌手,首歌本身無乜問題;只系eason個首太經典兼阿Lam首歌襯80年代「巨人」「狂潮」等等劇集主題曲多D。

雖然有所缺失,但尋日睇完第一集,都抵贊既:

1。無D"山寨外國景",實景拍攝難得。

2。張智霖+陳法拉加入,靚上加靚。

3。知多D"機"事。

雖然第一集順利"接受"到,但我有預感,D感情線情節接落黎會好拖。點都好,千祈咪好似金枝慾孽2甘(一直問"幾時至做完噢!")

ps:同個friend都覺得無左石修主演既Philip,可惜(仲記得詎成日好over既演技,尤其叫其他人名既語調)

2013年7月15日星期一

一问三不。知

最近身边唔少人离职,d friend都走黎问我 “点解既?”。。。“我唔知喔!”标准答案,皆因我唔系讵地心里面既一条虫,更无偷偷地训系讵地既床下底,我点知咧?
通识上会觉得,一个人离职极有可能系通过“一问三不。知”既阶段:

《问我》
自我对话,“问我依家最需要乜野?”“问我仲忍唔忍?”等

《不满》
唔会离谱到对成间公司不满既,只会系[决择人上司、顶头上司或者工作岗位]

《不足》
两点,一系自我能力不足,二系份糧银不足。

《不想》
明显系不想再拖拖拉拉,斋讲不满、不足而不行动啦!

当你做过以上“一问三不”之后,你会“知”应该点做。


2013年7月12日星期五

固本=Cheap精?

睇左一個美國真人秀節目,主題系「cheap精」;不過尼個cheap精唔系貶意,系好慳家甘解。
至於點慳?答案系-用固本、優惠券!!

節目中其中一個案列女主角得14歲,但瘋狂愛上d固本,1星期會用超過10小時去整理(包括搜尋、剪地、分類),甚至有一年既生日禮物系要求媽媽買個cut紙機俾詎!!任務講到詎就黎要開始準備升學試將會好忙,甘就同媽媽、細佬一齊去超市入貨(日常用品),挑戰買900美金既日用品但只準備10美金埋單!!所謂既日用品包括厠紙、洗潔精、罐頭食品、奶昔、健康米、健身小吃、貓糧、等等等等,共超過4個大推車既日用品!最後用詎儲番黎既固本埋單,睇住收銀機既數字由原價總數8百幾美金跌至唔超過7蚊美金!!當時我呆左。。。不禁由心讚嘆“好勁吖!”(當然個節目有另一位師奶仲勁,居然買過千美金既日用品,用固本折之後,超市職員話“我地仲欠你7角美金!)

好多人用固本既時候都可能會出現:

1.要黎無用啦?個幾蚊雞?
2.甘鬼麻煩,又剪又成甘?
3.甘肉酸!(好多固本系報紙雜誌剪出)
4.嚇!!要買上100至可以用1張??
5.咩黎架尼個??未見過既?
6.等等。。負面情緒。

其實固本個用意當然系可以慳d啦,但奈何各國民情唔一樣,我地好少有免費既“有用固本”以致大家對固本不屑一顧。你對上一次用既固本會唔會仲系只得“免費早餐麥當當”呢?

2013年7月11日星期四

Turbo

特別鐘情于動畫片,原因:

《接受假》
天馬行空到你會明知現實中無可能發生但你接受到。

《開心》
基本上電影版上映既動畫片都會以歡樂一家親作結局。

《深思》
人與人之間如果講出d好發人深省既對白會造作,反而放系動畫片就ok。

今朝終於可以睇「Turbo」尼部動畫片,近期比較期待推薦既一部,因為:

1:蝸牛賽車!!系蝸牛vs真人賽車!!攞公認最慢既生物之一黎作極速既題材,非常有創意兼抵死!明知不可為而為之,當然裡面有好壞兩面睇。

2:故事有d情節好“賤格”處理,系大人出乎意料既一幕,而你會會心一笑。正。

3:當然都有啓發性同人性,“當你知道可能會輸俾一個你認為弱者既時候,你會發茅!”

4:猶如其名,踩行turbo向夢想邁進!!!勵志到加零一!!

一句到尾,一部我又好享受兼感動既動畫片。

2013年7月10日星期三

我有一把吉他

有d野會系好悠閒既時候突然想起,例如。。我有一把吉他。

十幾歲既時候見到人地玩吉他好型好醒就假假話“我都想要把吉他”,結果某年生日收到份禮物。而尼把吉他既命運系。。。。打入冷宮十幾年!陰公咯。。

想起台灣天團尼首吉他歌其中一段:

從小開始 就一直想 學會彈吉他
很多年後 回憶和我 一起彈吉他

悲傷快樂 任何時刻 都想彈吉他
廢話少說 現在馬上 開始彈吉他

T 121 3121 T 121 3121
T 121 3121 T 121 3


今日發呆突然捻起原來我有一把吉他,但真係一個音都唔識、更唔知邊粒音至系正確!望住把吉他,發現原來自己簽下好多無兌現既單,系時候開始還債啦。

2013年7月9日星期二

2013遊學。Chapter 2-機票買了

終於甘願買了。。機票。

尼個遊學計劃系好多年前都已經捻緊,終於舊年11月辭職,今年5月正式離職邁向30歲前既一個奇妙旅程,而尼個旅程只系短短90日,為左尼90日放棄一切?nonono,唔系放棄,系為左更多既一切可能而需要進行尼90日既旅程。

KLM系今次旅程選擇乘搭既航空公司,兩個考量:

《平D》
相較其它航空,真系最划算兼時間夾得好!

《方便D》
皆因整個旅程終站系“阿姆斯特丹”,所以直機番吉隆坡。

我承認絕對系last minute既人,可能覺得“無問題架啦!”但今次就開始會稍微緊張d,畢竟所有事無大小都系自己獨自策劃兼進行,都系謹慎d好。有d野雖然話就話一定進行,但無d實際行動總覺得好唔踏實,學校報名了、機票亦買了、下一步就系。。等出發??

09月30飛往馬德里=16小時(阿姆斯特丹轉機)
12月29往返吉隆坡=12小時(直機)

共計:馬幣3341(要做多d工賺番黎至得!有主持、配音既工作記住PM我吖!)

Minions魅力

上個星期開始出現minions魅力,皆因全城搜索minions公仔!
(麥當當既快樂餐贈送,大部份分行sold out)
點解會全城瘋狂迷上minions呢?可能:

三個傻佬受病毒感染而發癲
《造型滑稽》
有friends話:只banana好得意!其實,詎唔系banana,至於系咩,自己揾資料啦!

《外星語》
人總會對自己未經歷過既人事物產生好奇,而班minions既溝通語言就系聽唔明但充滿想像空間!

《無憂無慮》
尼個系全人類既夢想,可以活著看似白癡但充實自在確系千金難求。

尼班minions系部電影其實屬於“咖哩啡”,但因為第一集跑出以致第二集就加重戲份,當然亦好在加重戲份先至令到部電影充滿生氣。故事線略顯有d悶但因為各個主角造型得意,大家就會被轉移視線,嚴格黎講,你會喜歡d角色多餘部電影。

ps:裡面班minions演繹既經典歌曲mv系整部電影最大賣點。

2013年7月5日星期五

我的女师傅

中五毕业第一份长工系做「Customer Service顾客服务部」,我负责既范畴包括:

1。日以继夜打电话俾用家,了解讵地对产品既满意度同问题。(每人每日過百通)
2。過時過節要準備寄送賀卡。(每次幾萬張,當然有同事一齊開ot啦)
3。不定時有training,接電話技巧、待人接物思維等等。
4。玩樂。公司會一個月兩次燒豬大餐兼餐飲部乾糧供應,每月亦有生日之星派對。

系間公司兩年,非常開心,因為有尼位一入職就相互扶持既師傅同一班齊心合力好玩既女同事,哈哈!部門8成系女同事~~尼兩年有幾件事系難忘架:

1:入職初期真係好窮,每日都番宿舍煮一包淨即食麵當午餐,而晚餐就去公司附近既mamak檔買rm1.50既nasi lemak kosong(得飯同sambal+青瓜),尼種生活模式維持1個月;後來突然幾乎每日朝早番工都發現辦公臺上放著一包早餐,原來我師傅同班女同事知道我無錢兼存錢(繼續升學),所以請我吃,當時真係好感動~~

2:同班同事經歷過無數既OT生涯,大家都齊心搏殺,尤其夜宵就非常豐富(老闆娘都不時送上夜宵)。當然仲有好多有趣既活動,中秋節戲劇、成功學喊包、展銷會推廣、舞臺劇贊助派送活動等等。。。正~~

3:工作關係我亦曾經被派到檳城生活半年,公司安排一間面海既公寓同一架“蕉仔”,真係日日度假工作~~
每个人系唔同阶段总会出现好重要既女人(家人以外),尼位妈妈级既美人就系我中五毕业后第一份长工既女同事兼师傅!

哈哈哈,點解突然感觸呢?皆因。。。師傅今日31歲大壽!!
yeah~~青春美麗兼健康平安!

2013年7月4日星期四

盲探

未睇尼部片,睇到勁多尼部電影既影評(不論影展專業影評或網評):

好,鄭秀文非常投入角色。
劣,對杜sir極度失望。
好,華仔有尼部片扳回一城
(“天機”為2013上半年爛片王三甲)
劣,點解阿高圓圓老左甘多架!!?
好,懸疑得黎又詼諧。
劣,案件唔拖唔水好求其。

等等等等。
尋晚都睇左部片,對於一個觀眾既我黎講,只要符合到娛樂性尼一環就已經ok,包括:

《靚人靚景》
劉德華+鄭秀文,個人喜好最喜歡組合之一;杜sir甘大班底又點會拍得唔靚呢?當然,詎唔系國家地理節目,系唔需要拍到d景嘆為觀止架,真實感好重要。

《對白精簡詼諧》
“每個人既左近梗有一兩個八婆既!”。。。等等等等,自己發掘。

《猜到》
唔系我特別醒,只系有電影以黎數以億計既影片,真係有咩轎未用過吖。尼方面我唔在乎,畢竟我真係唔系為左睇CSI、Xfile複雜到離奇結局“哇!好勁吖”而入場既,過到我自己睇到舒服就得啦。

睇完我尼個所謂睇後感會唔會覺得我偏袒部片呢?無錯,因為我覺得可以做到一部令人開懷兼唔扭曲道德觀念而又令人睇得明兼舒服既電影,俾我尼位觀眾仔黎講,經已足夠。

ps:尋日睇3部電影,《盲探》分數最高=80~~


2013年7月3日星期三

一個人@電影天

今日難得有興致一個人出街。行程如下:

1130-起床
1145-早餐咖啡一杯
1240-梳洗完畢出發

今日嚴格黎講只會去一個點《Pavillion商場》

1320-到達,哇!平日都勁多車,揾左15分鐘至有位。
1335-直上5樓戲院,用左5分鐘捻一捻,好啦,就尼兩部啦!
1345-等第一部電影開場,到樓下既小酒吧飲杯Franziskaner,beer lunch。

1420-第一部電影開影《White House Down》
「情節鋪排尚算緊張、只系比superman更表達美國人英雄主義,整體俾75分」
1645-電影完,上洗手間準備下一部電影。

1700-第二部電影開影《Hongover 3》
「若然無睇過1、2真係有好多笑位唔知做咩,唔喜歡角色性格,整體俾50分」
1900-電影完,由Pavillion行人天橋到KLCC。
1920-KLCC吃左碟勁難吃既雞飯(一半。。。真系好難吃)
1940-揾個朋友屈詎請一杯dark mocha再加一塊carrot cake,滿足。
2030-起程番Pavillion準備第三部電影。

2100-第三部電影《盲探》開影。
「聽日寫睇後感~~皆因未睇!

餘下的未發生。。。真充實的一天。

2013年7月2日星期二

粵vs華

有個難度:粵語法定華語法?

寫blog既時間都超過1年,因為個人喜好所以用粵語法,但近期都有d朋友要求用華語法!
點解會用粵語法呢?其實:

《寫既=講既》
最直接既表達。

《抵死》
一直到覺得“粵語”系甘多語言當中最到位、最抵死、最傳神既語言。

《情有獨鍾》
暫時系最愛既語言。

當然我都會考慮用華語法,因為有只懂英文既朋友想參閱而透過google translate翻譯唔到!!得閒穿插下都ok呱~~


2013年7月1日星期一

波德申。發現新大陸



上個週末黎一個family trip,舉家南下,目的地系馬六甲。
兩日一夜既旅程結束,星期日由馬六甲回吉隆坡,途中大家異口同聲“好耐無去波德申”,好啦,就去吹吹海風。而尼趟既波德申之行有意外收獲:


《PD Waterfront》
尼個距離出tol後10km既新區,其實系下午茶既好去處,尤其兩層高既一列食肆(paparich、hainam、mcd、pub、korean food等等)吹着海風,感覺唔錯,不過尼度無海灘,只能眺望海或者黎沿海散步。


《Muzium Tentera darat》
出tol之後前往PD海灘必然會經過“紅地毯”(紅磚鋪成的道路,那一區是軍隊營地+博物館)。我平時對於尼類博物館無太大既興趣,但就因為路邊已經可以見到真實既一列懷舊火車+兩架大戰機,所以就進入一探究竟。

裡面大致上分為幾個區域:
1:陸地戰鬥機,唔系一兩架,系數以幾十架既陸地戰鬥機種任你武。
2:懷舊列車,尼列燒炭火車外形已經煞食,頭部可以進入睇下“加炭實況”,車廂亦能進內感受當時vvip既包廂系何等尊貴(車廂有冷氣,可以抖抖)。
3:兩棟歷史解說樓,樓高兩層既每一間課室系用作解說唔同時期既軍事歷史轉變(我skip)
4:軍用吉普車區,好多類型既型仔吉普車,可以坐上扮晒野。
5:空中戰鬥機,最令人興奮既一part,電影上所見既戰機竟然可以觸碰,原本其中一架戰機可以入內參觀,可惜臨時關閉了。



翻查旅遊部官方網站的確有尼個介紹,但介紹既資料少之又少,幾時成立?為何成立?特點?歷史簡介等等統統都無,只得地圖!!我入博物館既目的明確-影相,所以根本無去探究歷史層面。ps:重點系尼度“free entry”。