2013年12月30日星期一

会番电台吗?

工作同娱乐一样重要,皆因当你每日娱乐就会失去【娱乐】既“乐”得番变“愚”。系既,娱变愚系一件可怕既事,意味着你可能已经无目标要去经历一d起承转合既阶段而达到,失去当中艰辛、挫败、曲折到成功既快感。工作于娱乐固然好,但能将工作既最终目的定位娱乐,个动力会更强大!

接近要番嚟马来西亚既日子里面,多谢d朋友私信或留言关心,尤其最多问到:

《会番电台吗?》
一个理想虽然有短暂既休假,但仍热爱尼个当班既感觉。加上尼半年既游历都input左唔少,世界这样大,我们这渺小。有机会,一定on air。

好啦,2014希望系大气电波再会。

2013年12月29日星期日

《晨西遊記》day88:《晨西遊記》最終回

阿姆斯特丹時間晚上11點20分,坐系架船仔既lobby check in機位同寫稿。望住落地玻璃外既夜景加上船仔內既聖誕裝飾,聽住當地電台節目既聖誕歌再配上超市買既3.99歐羅紅酒,真有d後悔點解唔系尼間船民宿住多兩晚。Ok,一切為遲以晚,今晚最後一日留系歐洲地區,荷蘭時間星期日晚上2050班機直飛吉隆坡。

《晨西遊記》系一個對於我黎講極附意義既珍貴回憶:

@異國同2字頭講永別。
@為完成竟然會真系辭職。
@接近3個月無講粵語。
@齋支出無收入。
@認識一班各國同學仔。
@講最多外語。
@不斷迷路又認路。
@反方向揸車。
@行最多路。
@熱鬧卻感受孤獨。
@空虛卻感覺充實。
@用晒所有積蓄。

30歲前對自己既承諾終於可以實現。友人經常話我“得個講字!”尼個唔再令自己失望,為下個目標而進發。生活就系要不一樣既精彩,可以系平淡精彩、轟烈精彩、更可以系任性或失驚無神精彩,“精彩”尼個詞,任你講不過真系要對得住自己,一定要去實踐。

好啦,系時候要準備番屋企喇;馬來西亞見。

2013年12月28日星期六

《晨西遊記》day87:要錢?

無論系西班牙、義大利甚至到荷蘭都要陌生人向我'要錢'。

《西班牙》
夜半一點穿梭於San Sebastian酒吧街,獨自行系舊城窄巷。一名大約20出頭既後生仔向我要1歐羅買酒,回應講左聲'adios'離開。

《義大利》
系Florence巴士站等車,一個慌慌張張既中年婦女展示手上既散錢問我要多20仙搭車,捻到無捻俾詎,但事後仍見詎不斷徘徊系巴士站再向路人要錢!

《荷蘭》
阿姆斯特丹市中心超市隨處可見。酒類部門琳琅滿目,正當煩緊要買邊個牌子既啤酒,一名30出頭既清道夫手拿兩大罐啤酒拍拍我膊頭,問我要多1歐羅以便詎可以買多罐,回應一聲'no'事關如果系買食物我會毫不思索俾夠2歐,但菸酒免問。
向陌生人要錢固然系情非得已,但如果四肢健全兼後生遙遙系應該自力更生架。雖然1、2歐羅唔系多錢,但縱容既行為就系由細微開始。

2013年12月27日星期五

《晨西遊記》day86:荷蘭。x事記錄本

喜歡阿姆斯特丹,但發生d對我黎講系x既事情。

1》第一日就落雨,仲系好似世界末日feel。
2》晚餐無講明要外面掛住9.95歐羅既食物,結果原價系double。
3》所有商店都唔收500歐羅紙幣,除非消費350以上。
4》換散職要徵收1%手續費。
5》櫃檯買火車飛會徵收0.50服務費。
6》友人爺爺過身-節哀。
7》酒店房無wifi,徵收24小時3歐羅。
8》遺留新衫同充電器系間酒店,職員話“揾唔到,可能丟左”。
9》。。。唔想再捻番起。。

不過,出黎旅行點都會有奇奇怪怪既事發生,何必只系記住d x事呢?正面d捻“甘至算精彩呱!”~~記錄睇番,提醒自己下次要留意啦。

ps:最後兩日,希望有多d好事降臨。

《晨西遊記》day85:聖誕節@阿姆斯特丹

有人話聖誕節既西方國家會特別寧靜,皆因個個系屋企一家團聚。系Salamanca既時候,不時會傾到尼個話題,得到唔同國籍既同學仔一致既答案:

1》聖誕夜定必一家人吃飯,多數都會系自己屋企。
2》一家人既定義唔包括“男或女朋友”。
3》家長會買禮物,當然大部份同學仔都話意思意思例如書本、遊戲機、旅行券。。
4》未必有火雞,一定有薯泥。
5》吃完飯都未必會外出(後生既會系24號就倒數,25號晚基本上全日在家)。

聖誕夜既阿姆斯特丹非常熱鬧,以裝扮同配件(相機隨身)黎統計,超過7成系遊客。聖誕日基本上服飾店同銀行等等機構都無營業,不過手信店、大部份餐館同某些博物館都系照常營業而且無加價!再根據我既觀察,25號傍晚既人潮竟然比24號晚仲要多人(截至8點前),遊客點解會揀尼日黎呢?都無煙花大匯演、又無歌手聖誕狂歡夜(有d夜店甚至無開)點解呢?

聖誕節既阿姆斯特丹送左個大禮俾我=大晴天!多謝聖誕老人。

2013年12月26日星期四

《晨西游记》day84:平安夜@荷兰

好热闹又好单独既平安夜。阿姆斯特丹由23号晚一直落雨到24号大约晚上8点左右,成日既感觉就好似灰灰暗暗、无嚟神气。当然,身为死游客既我都唔会放过任何一刻,24号的确好忙:

9am@早餐hotel(哇!人山人海)
11am@搭电车外出,电车票有单程2.90、24小时7.50或者48小时12欧罗,选后者。
11:15@火车总站市中心(基本上最热闹既都围绕住火车总站)
直到4pm@不断shopping!荷兰购物超过50欧罗就可以扣税!
4pm@荷兰晚餐。。。果然d人中意荷兰薯!牛扒唔错。
5pm@大麻。我唔吸烟所以选择试下蛋糕,果然,好似晕晕地(我太渣)大约一块蛋糕6欧罗,所谓既“Coffee shop”就系有卖尼d18岁以上至试得既甜品。
6pm@再不断行街(虽然仍然落雨,好醒,我有遮)
8pm@行下红灯区。。无人既!?落雨?!番酒店(结果昏迷。。难道系蛋糕??)
11pm@搭电车出市区,捻住有倒数活动。。结果无!!去酒吧倒数(☆_☆)
1am@Escape。一间好有名气兼几大既夜店,入场竟然要14欧罗!(无包饮品)好啦,平安夜。入面亚洲面孔占60%!!饮左两杯,撇。
2am@昏迷。

平安夜还算平安吗??哈哈哈,有d孤单。


2013年12月25日星期三

《晨西遊記》day83:空白

今日成日都系度搭火車巴士,朝早9點開始一直到晚上9點到步。

吃左個難吃既午餐。

晚餐時間,每間店都關門,唯有買超難吃壽司。

訓較。

好想將尼一日delete。。。

2013年12月23日星期一

《晨西游记》day82:买野

意大利购物之所以疯狂全凭:

《名牌好x平》
见到d人买几千欧罗既手袋面不改容兼系柜台俾钱时不断话“真系好抵!”汗颜,从来无留意过名牌价格同时装既我望住成千欧罗既手袋一直自问“边度平呢?”确系我d死穷鬼未明既道理。

“普通人”购物都可以好有趣:
@见到天价既惊讶!
@遇上贱价既兴奋!
@成功劈价既满足!
@斋睇无价既洒脱!

不过,仍然认为好似我尼d普通人唔会饿死,只要储下钱舍得d既话,都可以消费既;只系每次捻到一个袋可以打几多百餐边炉,就好自然选择后者。


2013年12月22日星期日

《晨西遊記》day81:冷翡翠唔系好冷

徐志摩為Florence改既中文譯名之一《冷翡翠》,我的確唔系d詩情畫意既文人,所以無feel。不過,Florence俾我另一d感覺:

@比起威尼斯,尼度d意大利人友善好多。
@餐廳價格合理,套餐大約15歐羅可以吃到(而且真系好吃架)
@好多日本人同中國人。
@果然系。。。購物天堂(都系幫人地買,kesian。。)
@如果你覺得系威尼斯好懶既話,其實尼度仲懶(個人認為,因為無動力)

Florence會逗留既原因得兩個:
1:Shopping(幫人。唉)
2:機票由Pisa飛阿姆斯特丹,pisa機場離florence大約粒幾鐘車程。(皆因平)

ok,意大利既5日是是但但游告一段落,有種感覺,都系中意西班牙多d。

2013年12月21日星期六

《晨西游记》day80:一生人点都要去既地方?

威尼斯=一个向往好耐既地方。捻捻下,点解会向往呢?其中一个原因好可能系听得多人地话“一生点都要去一次威尼斯”呱!尼一句“一生人点都要。。。”实在虚无兼广泛:

@除左受苦受难,有咩系一生人唔想要架?
@一生有几长无人知,可以要得几多?先后次序点排呢?
@为左所谓既“要”背后“唔要”几多呢又?
@要左之后发觉系咪真系你想要?定系人讲你要呢?

当然要发掘一生人自己点到要既人、事、物又的确需要吸取前人既经历或意见,但切勿盲目跟随。究竟d地方系咪你“一生人点到要去既”就等你亲自到访后再话俾自己同其他人知啦!

ps:個人感受「威尼斯,一生人点都要去既地方」。

2013年12月20日星期五

《晨西游记》day79:小解。大贵

未嚟威尼斯之前,同学仔话尼度消费好贵,有晒心理准备,只系无捻过小解竟然大贵!

水上公共交通系尼度最主要既连接运输系统,嚟威尼斯最好都买张“威尼斯卡”有几个唔同既配套,系既定既时间内任搭(12、24、48、72或7日卡)。而系交通卡配套中都有另加两项服务:

1:Wifi
2:WC(toilet是也)

对于第一项不为惊讶,反而第二项就有d咋舌!皆因通票斋上厕所系需要10欧罗!公共厕所随处见到告示牌,但都要注意必须“打卡”或俾一次过费用,盛为每次1.50欧罗(马币大约7蚊)。

皆因此收费,令到好多cafeteria生意特好。一杯咖啡2.5欧罗但包厕所,系咪抵好多呢!?

ps:你好难番得切酒店上架。。去饮杯茶或酒啦!以上张卡不包括wifi同wc,48小时通票30欧罗。

2013年12月19日星期四

《晨西游记》day78:西意不同


离开西班牙飞到意大利威尼斯。一落飞机上到巴士,再经过寻日午餐、酒店、夜逛,就开始感受西意不同:

@義大利人打招呼多数同你讲左句“ciao”或“bonjour”之后半秒,眼神直接离开你。

@手脚的确比西人至少快3拍。

@食物分量又比西人少3成以上!

@不过价钱竟然都贵3欧以上,皆因多数无包饮品。

@義大利人对话比较斯文,语气感觉比较冷漠,西人就算听唔明都觉得讵地激动同热情。

@西意有d字眼意思颇为相同,发音同拼写略有差别。

@意大利粉好好味。

当然第一日不能做准,接落嚟4日再观察下。

2013年12月18日星期三

《晨西遊記》day77:再見。西班牙Adios espana

最後一日留系西班牙,時間唔長但有好深既感觸。

《Amigos=朋友仔》
最慶幸系能夠認識一班世界各地不同文化、背景、經歷、年齡、語言既朋友仔,絕對系今趟西游最大得着。

《Lengua=語言》
大家都問點解會揀西語?其實揀咩語言系其次,重點在於系一個陌生又嚮往既地方生活下。不過,基本西班牙出遊應該都難唔到我,至少識得買野、點菜、問路、八兩句。。

《Viajar=旅遊》
如果唔系住系Salamanca既話應該都唔會去到d小城市,雖然如果用90日去歐洲游會到訪更多地方,但系touch n go 既旅程系接落黎個兩個星期夠啦,日後都應該會有機會再兩三個星期既短程行。

《Comida y Bebida飲食》
我愛馬來西亞美食,但會勁想念尼度超平又正既啤酒、紅酒、烈酒同溝酒!!

ps:有機會會同班friend或家人再去到訪我曾經最開心既西班牙國度,尤其Salamanca。


2013年12月17日星期二

《晨西遊記》day76:行得??

黎左西班牙甘耐,竟然發覺原來我最行得,皆因:

@沒人願意跨3站唔搭地鐵,唔系慳錢,系因為“點解唔睇下出邊?”,
@不斷連續行2粒鐘齋睇唔買、齋影唔食、齋企唔坐,
@一日特定行程完畢有時間會再盲無目的地行到真系夠皮至返歸,
@基本上都唔會系我要求休息(除非休息系要行更長遠既路)

究竟系咪單純“kiasu”心態呢?又唔覺吖,我系覺得:

@周不時可以訓到死左甘(至少10粒鐘),
@都唔系經常行路,一直坐坐坐(搭車仲坐唔夠咩),
@天氣涼爽行耐真系唔多覺,熱死辣辣睬你都傻,
@猶疑不決要唔要“敗家”,所以“tun黎tun去左捻右計”。

有人覺得甘樣旅行好辛苦,都無輕鬆到,又錯,皆因我:

@唔會急急腳甘離開任何我覺得有趣既地方,例如一個山頂仔徘徊3粒鐘,
@唔會趕景,最憎比人趕同趕人(一個人旅行最大既好處),
@出遊乜都無睇過、試過、做過先至最辛苦。

ps:當然乜都要做到晒仲辛苦,量力而為,5個字“最緊要開心”~~

2013年12月16日星期一

《晨西游记》day75:爵士音乐

人就系甘衰格,有d野仲系系自己国家唔舍得但出到去又觉得唔所谓、ok啦甘,睇爵士音乐会就系其中一项。夜店同爵士音乐会二拣一,竟然Jazz胜出!?!无它,皆因系Salamanca太多夜店回忆,够啦。尼间位於Barcelona市中心既Jazz音乐会其实都系夜店进行,一间名为《Jamboree》既夜店,每个周末都会有唔同既Jazz主题音乐会,票价由12欧罗起(网上订会平两蚊)分别系8pm同10pm,一个小时。
会睇尼个音乐会除左厌倦夜店d“boom boom boom”之外,当然仲因为:

@我几中意Jazz feel既音乐,好放松~~
@票价唔会好贵,尤其睇完场show觉得值回票价!
@嘻嘻,表演场地系夜店(12点后即变身),所以现场可以边欣赏jazz边品尝佳酿!
@未睇过嘛,一个人无无聊聊,试下无妨!
@当晚主题《Navidad latin Jazz》好有圣诞feel。

入场既时候系9点45分,得我一个!!心捻“唔系呱?”但确系开场前1分钟,d人唔知系边度涌出黎,有7成满既~~松一口气,如果得一个观众压力大过d表演者!有机会黎巴塞罗那不妨黎听听音乐会,一班friend既话仲可以直落跳舞(皆因每星期一12am会有DJ打碟,营业到5am)加上附近劲多餐厅,根本系可以消耗整个夜晚!

ps:地铁L3 Liceu行5分钟就到~~完show後遇到女歌手,唔要面地要求合照留念!

2013年12月15日星期日

《晨西遊記》day74:師友

『師友』系由老師變為朋友,同我地將老友當作老師般有好大既差別。

@通常年級都比你大但心境可能比你細,尤其中意笑;
@九成會報喜不報憂;
@詎會照顧/關懷你多d;
@你會當詎長輩尊重,但卻會成日同詎講笑;
@相識日子好短,包括相處壽命都好短;

點解會界定『師友』呢?可能真系有時大家會忘記將d長輩級人馬視作朋友看待,老師如是、老闆如是、老豆亦如是。

ps:可惜試問有幾多個人仲會經常去探望或揾『師友』飲茶、飲酒吖??

2013年12月14日星期六

《晨西游记》day73:再見。Salamanca@同屋共住

西班牙時間凌晨2點,大家要離開大家所以都約埋一齊出去吃餐tapas兼飲兩杯!番到房間收拾行李,原來睇住間房再次變空系有種傷感,但慶幸原來我都仲識傷感。

第一日黎到salamanca因為電話無credit漫遊結果行左兩粒鐘至揾到住址,但因為屋主唔系又輾轉兩粒鐘至順利入到屬於我既房間。一班好“國際化”既同屋共住開始真系有d擔心相處唔到,但其實只要你捻得簡單d,一切都會容易好多,畢竟都系一班好青春既少年少艾。

尼個pose系我堅持要擺!有人明既。。。
尼兩個幾月當然都會有d唔系幾順心既事,但系開心既時間佔8成以上所以都彌補其它了。

@一班人系pub既大廳唱歌!
@成日系住所開轟趴+大食會,德國餐、西班牙餐、英國餐。。。
@成日友人飲到醉醺醺要抬番屋企!
@一齊揸車去葡萄牙、馬德里旅行!
@一班人睇西班牙語dvd。
@睇住友人系酒吧“順手牽羊”儲杯!
@臨別秋波大家擁抱痛苦。。
@好多好多細緻既生活點滴!

大家約定買同一款衫兼背後印上住所街名!
給30歲前最好既禮物就系有一個永世難忘既美好經歷同回憶,最重要既系生命中又多左一班好友同行!!

ps:同屋共住既英國micheal、德國johanna同lina堅持等我執完行李再黎個擁抱至捨得去訓,尼一刻,眼濕濕。。。我會掛住你地架,hasta pronto,chicos~~


2013年12月13日星期五

《晨西遊記》day72:Nochevieja

一個可以話學生最大既party,仲要系官方承認甚至系salamanca plaza mayor露天廣場搞既萬人大party。根據統計,舊年有3萬5千人參與!!!皆因12月份除左聖誕節之外,亦系一班學子畢業/期末完既大日子,所以有一個非常盛大既慶祝派對。今日早上開始已經人頭湧湧,好多來自外地既遊客同學子慕名而來。
@Plaza Mayor廣場中央有個大舞台,會有歌手獻唱同DJ大碟!
@雖然話系免費入場,但因為公共場合不能飲酒,所以3歐羅包括飲品!
@萬人空巷既戶外夜店!!
@零下既天氣但超熱血沸騰既現場氣氛!!

皆因尼個盛大既派對系今晚,所以大部分學子都會選擇聽日至離開salamanca,而我,聽日last一堂課,後日就離開生活左73日既Salamanca。

Hasta luego,Salamanca~~

2013年12月12日星期四

《晨西遊記》day71:再見。西語課程

還記得第一日上課既情景,一個夠膽死對西語一竅不通既中坑坐系班“同學仔”之間。大家都有d功底,至少都系識少少或者已經有自學一陣至黎到salamanca上課,而我真系傻下傻下甘坐系課室4粒鐘全神貫注甘聽d教師講書但仍然一句都聽唔明。仲記得開學個前兩個星期真系有衝動要終止個課程,需要明白一個人乜都聽唔明個種無助同無能感系幾甘挫敗。

經過70日既短暫課程,今日終於黎到期末考,望住張試卷感覺同1個半月前有好大既出入:

@竟然睇得明d問題問乜?!
@竟然能夠答得曬!!
@竟然有種幾滿足既感覺!!

我系最後一個交卷既學生,雖然已經心中有數所寫既答案好大可能系錯既,但系交卷個一刻既感動同不捨系同時湧現。

感動=老師,多謝啊!
不捨=同學,再見啦!

ps:我絕對系全班西語最差既一個,不過卻為尼個越級挑戰而心感自豪。

阿爸,我得左啦!

2013年12月11日星期三

《晨西遊記》day70:真。憎

有一句好真但好憎既名言“天下無不散之筵席”。
『真』就梗架啦,試問點會一直吃一直吃,梗會散席既。至於『憎』就因為:

@告一段落既心情好複雜
@遇上好人確系難能可貴
@重新經營關係實屬不易
@難免傷感場面哭哭啼啼
@人未死卻不知何時再會

一生中總會有好多人系你既生活裡面出出入入,但要維繫住不斷出入確系需要窮盡一生既心血去經營;皆因有好多人既生命中只有不斷經過既過客,一入即出且永不回頭。

ps:雖然會散席但必須懂得如何再開席~~


2013年12月10日星期二

《晨西遊記》day69:早市場@Salamanca

黎左Salamanca接近70日都未認認真真甘去睇下個城市,尤其當地人最多既早市場。每逢星期日早上(唔知幾點開始)一直到大約3pm左右,離開Plaza Mayor大約25分鐘腳程既Mercado Domingo en Salamanca(其實可以搭巴士到Rastro)就系巴士站隔離既一塊大空地!尼個早市真系好大不過比起馬德里星期日早市場就確系小巫見大巫~~


好啦,天氣超好雖然得5度,但仍然去見識下個早市場。

@衫褲鞋襪、由外到內既衣物全部都有,由1歐羅到20歐羅不等=平!
@女人飾物、由項鍊耳環到絲巾披肩都有,都系由1歐羅起=好平!
@古董文物、由千年神燈到懷舊唱片都有,自己去問價啦。。
@一堆老翻、由名牌首飾到最新電影都有,尼個“部門”由黑人打骰(現場有警察?!)
@小食=無。

點解最重要既飲食文化=小食會蕩然無存既呢?只得兩檔買薯條、啤酒、汽水,其中一檔有燒雞同三文治咯,無啦。雖然去尼個早市場之前都聽到d網友話尼度無野吃,但心捻都相隔幾年應該有改變呱,確系我太高估左詎。不過,系早市場既附近就有一間幾大既餐廳,人流都好多(獨市生意)大家可以試試。

ps:接近3pm要離開既時候,發現有好多“商家”攞住一袋二袋既貨品例如火腿肉片、朱古力、罐頭大平賣!!皆因太多師奶湧埋去所以都系隔岸觀火~~

2013年12月9日星期一

《晨西遊記》day68:Dunia老師

學習西語上堂分3部分:語法、溝通、文化,尤以語法最為重要每日佔兩粒鐘。我系一個容易打瞌睡既壞學生,但神奇地系尼兩個幾月既語法堂裡面竟然好精神甘聽書(雖然聽極都唔明)全靠有一位好老師=Dunia。第一堂“班主任”介紹自己系Dunia極時候已經記得個名(我記名好鬼差)原因梗系多得詎既名易記兼馬來文“世界”甘解啦。

對於Dunia老師既評價系:

@繼續微笑,真系無時無刻都有微笑!!
@超有耐性,尤其問同學問題d同學都答唔出既時候會循循善誘(多數系我答唔出,皆因我連個問題都唔知問乜又點答呢??)
@超清晰,雖然由第一堂開始到依家都系百分之99用西語教學,但確系我竟然明白詎教既語法運用達到百分之60(哈哈哈)
@隨時應對,無論d同學仔突然問d乜野奇奇怪怪既問題,詎只需要3秒思考就可以好簡易明白甘解釋,勁!

大學裡面有好多教師,而幾乎每一個教師都有能力教任何一個科目或輪流教科目,有時真系覺得好慶幸,詎系負責最重要既語法教學,皆因有d教師真系好緊要悶、長氣兼解釋完就算唔明都唔想再問。

ps:雖然我成績麻麻,但都想向Dunia老師講聲“Gracias,terima kasih,多謝~~”

2013年12月8日星期日

《晨西遊記》day67:戲院。睇西片

好耐無入戲院睇戲啦,原因好簡單=只得西語兼無字幕!!同屋既英國mike引誘我去戲院睇戲,掙扎一陣但心捻就快離開Salamanca唯有硬住頭皮睇番部電影。之前錯過Thor2,唯有用Hunger game2補數。西班牙影院初體驗:

@基本上每間戲院都唔同價錢,尼間細d既就系6.70歐羅(五、六、日會貴d),有時會做超平價大約3.50歐羅(其實都好貴。。)

@買飛之後覺得好奇怪:1-點解張飛系張單? 2-點解無劃位?(真系free seating!)

@入到間戲院,其實都算幾大,不過:點解d櫈甘直兼“甘平”既?!(前面個個若然高d就真系乜都睇唔到咯,好在少人星期六睇戲)

@同樣有廣告、新電影trailer,但就無15分鐘啦。

@開戲,真系無字幕,完全西語配音。
部戲成2個半鐘,應該只明白詎地對白百分之一@@哈哈哈,幾好玩既體驗,至少d配音真系配得好好。

ps:中場有個阿伯無off volume玩whatsapp,結果俾前座既後生女好大聲地叫詎熄機兼講唔該!!又明白到“我大聲唔代表我無禮貌既道理”~~俾個like個後生女。

2013年12月7日星期六

《晨西遊記》day66:派對。壽星

真正又佈置又整野吃又invite朋友既生日派對的確都唔知幾多個十年無搞過。12月份同班11個人當中就有3個,而且大家都系相隔1、2日,仲有一位同屋住既高班女同學都系,所以大家就話“不如搞個生日派對啦”甘樣(其實都周不時開派對,只系多個藉口,哈哈)原來開派對既壽星們要:

@買裝飾品,例如生日快樂字眼既橫額、紙杯、氣球,水槍(裝烈酒!)
@買飲品,好明顯系“酒”,mix酒,最重要系welcome drink=香檳
@買食品,酒既好拍檔-薯片,都有整d簡單既tapas
@買簿仔,原來系questbook,俾人客簽到。

一個好認真既event甘,當然慣性成11pm至開始,略略估計都應該有成50幾人(超過半數都唔識既。。)雖然生日既feel就真系無乜,但確實同班勁中意開P既同學仔一起真系會暫時忘記d煩惱。

ps:12月壽星正是左起:德國Johanna、澳洲Will、荷蘭Julia同馬來西亞既我~~

2013年12月6日星期五

《晨西游记》day65:评估。老师

今日老师派左张好有趣既问卷,系一张评估问卷,对象系“评估老师既表现”!!每个学期既结束校方都会派放如下既问卷调查俾同学,更有趣既系,由班主任(教语法个位)负责派发同讲解。评估标准如下:

@老师讲解能力、清晰度
@老师准备功课做足吗?
@老师同学生既互动
@老师有否俾学生发挥定系老师讲晒
@老师是否准时
@老师整体表现

1分最低,5分最高,当然我相信好多人会选择俾3分既。不记名既问卷调查成效会有几大呢?我意思系:

@校方是否会检讨?
@老师是否会改善?
@学生是否会公报私仇?



当然,结果我地控制唔到,但每一刻做好自己应该做既事就已经足够。好欣赏教语法既班主任Dunia老师好坦然平常心甘讲解每一项既评估标准,就好似一个学生平时用心听书,到考试梗系无有怕啦~~

2013年12月5日星期四

《晨西游记》day64:西语presentation

一个学期就嚟结束,其中一课系需要每位同学嚟一次简易既presentation。题目任你喜欢,多数同学仔都选择做“旅游大使”介绍自己既国家。为左令更多西人了解大马。。。既美食,所以介绍大马美食十强。

上个星期开始既presentation终于系今日轮到我,有d惊惊地添。

《语言》
以前面对几百、几千、甚至几万人都okok,但只系面对10个再加老师心有种好唔踏实既感觉,应该系“语言”既问题,一种唔熟悉既语言表达,通常我会选择唔上台添架,奈何呢个系考试之一,唯有豁出去,庆幸既系“唔系考临场”~~

《新鲜》
几乎所有外国籍既同学仔都唔黎过马来西亚(其中有一位去过langkawi,但竟然唔知有只神雕。。soli,系巨鹰)所以要令到讵地一时三刻对马来西亚有印象唯有用超靓既图片(网上一堆)包括klcc、Pulau Sipadan、Gunung k。kinabalu黎抛浪头再进入正题用美食既诱惑黎迷惑班鬼仔鬼妹!!哈哈哈哈。。。(奸笑)

为时10分钟既presentation终于结束,虽然口窒窒,但系都算系顺利完成既,个一刻真系想俾个like自己~~

ps:图为好kawaii既日本女同学做紧presentation~~

2013年12月4日星期三

《晨西遊記》day63:第一份聖誕禮物

月頭就過聖誕節??普通事,皆因我住間宿舍系上個星期已經開過一個大型既聖誕轟趴。今日都有個聖誕小晚餐,淨系俾我地兩層樓既同屋共主10人兼交換禮物。系幾日前已經抽簽要送俾邊位,budget系8歐羅。抽到要送俾一個上兩個星期搬入黎既西班牙女仔,講真加起黎講野都唔知有無超過10句,但詎人非常友善。

 買禮物系考起既事,以前會就會捻對方需要d乜,但系發覺每次都好似捻錯隔離,所以近尼幾年買禮物都系揸住一個宗旨:我覺得好就得啦!皆因:

@你都唔覺得好點解會送俾人呢?
@覺得好又能力範圍內買到既野仲難
@買禮物既時候至唔會求其當交差。

好啦,收到第一份既聖誕禮物系非常好味既朱古力卷(吃左。。)同朱古力蛋糕~~個樣已經好似好好吃甘(未試過買成40零吉一塊蛋糕黎吃!!),一陣慢慢“dam”~~