《晨西遊記》day46：好鬼凍

一直嚮往系好鬼凍甚至落雪既國度生活一段時間，西班牙出遊既其中一個目的。尼兩日開始Salamanca轉涼，大致1至2度（落雨帶微微雪花）。

《變靜宜》
叮噹迷都知道靜宜最中意就系沖涼，黎到甘冷既國度最少一日會沖兩次涼，原因系絕對享受俾熱水打落背脊既感覺（有時會沖好鬼耐。。）

《著好厚》
平均出門需要3件衫加圍巾，入到餐廳又要除，離開又著番，其實都幾麻煩。

《飲咖啡／朱古力》
西班牙比較興飲朱古力，仲要系特濃配上鬼佬油炸鬼（chocolate con churros）。嚴格上都好好味，不過最大既漏洞系“點解多數d熱飲都唔夠熱既？？”不過我都系鍾愛咖啡多d。

《冬眠》
藉口黎既者。平時都有“嗜睡症”架啦，遇上凍天系個被窩度暖笠笠又點捨得起身吖！！

由夏轉秋，秋轉冬，無論系個地球或者氣候都會不停甘轉變，人又點可以一成不變呢？