《晨西遊記》day71：再見。西語課程

還記得第一日上課既情景，一個夠膽死對西語一竅不通既中坑坐系班“同學仔”之間。大家都有d功底，至少都系識少少或者已經有自學一陣至黎到salamanca上課，而我真系傻下傻下甘坐系課室4粒鐘全神貫注甘聽d教師講書但仍然一句都聽唔明。仲記得開學個前兩個星期真系有衝動要終止個課程，需要明白一個人乜都聽唔明個種無助同無能感系幾甘挫敗。

經過70日既短暫課程，今日終於黎到期末考，望住張試卷感覺同1個半月前有好大既出入：

@竟然睇得明d問題問乜？！
@竟然能夠答得曬！！
@竟然有種幾滿足既感覺！！

我系最後一個交卷既學生，雖然已經心中有數所寫既答案好大可能系錯既，但系交卷個一刻既感動同不捨系同時湧現。

感動＝老師，多謝啊！
不捨＝同學，再見啦！

ps：我絕對系全班西語最差既一個，不過卻為尼個越級挑戰而心感自豪。

阿爸，我得左啦！