《晨西遊記》day60：San Sebastian小記錄@3景

去San Sebastian既原因系上幾篇分享過了，每次出遊後都會等上幾日至有時間整理d照片。尼度有幾個必去靚景：

《Monte Igeldo》
要上尼個小山坡既原因好簡單，因為可以飽覽San Sebastian最靚既景色。只要沿著沙灘步行到纜車站（Funikularra）再搭5分鐘就到啦。雖然路程好短，來回收費3歐羅，但沿路風景系出奇地童話feel所以值得俾（車票系搭到上山後至俾錢）。其實山上有個遊樂場但可能秋冬好鬼凍所以無營業。風景可以話一絕！！

 《Peine del Viento》
有個幽雅既中文譯名－風之梳，皆因雕塑家將尼幾個棕紅色鋼鐵雕塑固定系岸邊，當風吹過就好似風既梳（其實我真系feel唔到似梳！）不過，尼度真系好大風兼確系好靚，尤其當d浪打向雕塑品既時後。當你上山頂欣賞完風景之後落山轉左行5分鐘就到啦，亦系盡頭。有一間米芝蓮兩星餐廳（下圖），可以入去吃個lunch或者好似我甘齋飲咖啡（1.45歐羅）。

《小遺憾。。。》
可惜仲有一處想去既景點《Urgull monte》無辦法到訪，皆因上星期有土石流所以封鎖，但仍然可以系對岸望到標誌性雕刻同耶穌聖心雕像。唯有系沙灘影遙遠的雕像。

都話教堂等建築物已經好難令我去留心睇（甚至略過）沿路經過就會望下影相。
ps：更多照片分享請到facebook啦～～