我去任何餐館（大排檔或店舖）都系抱住一個心態《態度第一，味道第二》。
尼兩日都真系又見證2間極端既食肆：
《食肆1－文良港某咖喱板面店》
尼間咖喱板面我情有獨鍾，原因系我家姐求學時期已經帶我去吃，當時只系一條後巷既街邊食檔。無論用料、湯底濃度、價錢都可謂“超公道”，因為學生區，所以每日都勁滿座。自從幾年前搬入店舖，我都會不時幫襯，可惜味道已轉淡，料少，價錢亦提高（其實尚算合理，畢竟百物騰漲）服務上我一直唔奢望有，但味道越黎越差就真系覺得惋惜，好既咖喱又少一檔，店家已經失去製做好野吃既態度。
《食肆2－半山巴某燒臘檔》
近尼兩年至發現尼間燒臘檔，雖則系街邊檔但已經完全符合我理想食肆標準《超有禮貌，野吃美味》。尼間生意亦客似運來既燒臘店，聽講開業已久，無論口碑或親身體驗都一致贊好，講真，希望詎一直維持。多數我地會覺得店大欺客或唔憂做心態，尼間店竟然俾到我感動。
同事話，系咪我地唔慣或好少有人對我地好呢？因為一旦遇上態度好既店家就會不停讚揚，覺得難能可貴，可悲吖。。
沒有留言:
發佈留言