認清自我既小事

尋日假假死走去打羽球，結果臨尾拉親條手筋，痛到咬自己，真羞家。
不過，尼件事亦令我明白自己多一D：

《唔認真》
平時既我應該就係係別人眼中屬於一個唔多認真既玩玩下代表人物，所以當下我話我整親個手好鬼痛，大家有點不以為意，捻住我誇大其辭，只能怪我平時做人太大動作，予人感覺唔多認真，所以大家分唔清我幾時真假。

《好化學》
人既身體機能好化學，一個錯誤既小動作就會對身體造成好大篇幅既影響；更甚既係，會隨時猝死。

《喜歡等又唔等得》
平時做d自己既野都喜歡“等下先啦”例如，身體檢查、整車、健身；不過我又極度厭惡等既感覺。昨天出事後其實都好番好多，只系個右胸處仲係隱隱作痛無法舉高個右手，朋友帶我去馬大醫院。講真，醫務人員服務友善，只係半夜12點，醫生應該不足，我只需等10個號碼，yes！奈何，70分鐘後，只系行左2個號碼，基於我性格關係，選擇離開，唔等得（原來取消睇症係需要填form架）結果回家。

人生每件大小事都能夠睇清自己既個性，尤其你留意到別人對你既評價就會知道你予人既形象係點，當然決不能活在他人言語中，但自我檢討係絕對需要既。