2013年4月12日星期五

死唔至一次

人必一死但卻死唔至一次。何出此言??

死,真系預料之中,只係未知正確時間、地點同死法;除卻意外,就算你心思算儘-自殺,亦未必甘好采死得成又或者如你所願既死法。不過,係我地正式踏入死亡之前總會遇上“今次死啦!”

《考試》
我捻除左天才同天生超樂觀人士,遇上任何考試都會浮現-死啦!

《裁員/失戀》
人生悲劇,點只死啦;直頭死左。

《生仔》
聽生過既媽媽級靚媽話,生仔真系半只腳踏入鬼門關,生左出黎要教育同費用-想死!

《無錢》
應該大部分人都嫌自己唔夠錢,但真正想死既都莫過於每個月需要揾一筆錢黎“供車、供屋、供保險、繳稅、家用、還卡債”,根本揾埋都無得享受!慘過死!!

《有錢》
講真,我無煩過尼個問題,應該係驚“溏心風暴”情節真人版呱?!

《孤獨》
孤獨唔代表得一個人,而係從來無一樣實質寄託。無論係朋友、家人、興趣、物質,完全對世事無一感興趣,只系一具吃喝拉睡既孤獨精。死未?

死,有時可以好簡單;但死之前一定要確保自己有生存過既痕跡同意義,甘就可以死架啦。
ps:當你揾到或經歷過生存意義,你就會自然淡忘死。

1 則留言:

  1. 想死的死不去,不想死的却“意外的”死去。无常。

    回覆刪除