1:sihanouk超级多游客，尤其系来自中国既朋友，不过就depend你住边一区，迟d话你知。
2:尼度正处于经济开发中，所以周围都系建筑工程进行中，所以订住宿要留意隔离有无声煞！
3:餐馆三大类-西餐、高棉餐同中国餐，随随便便都可以揾到四川火锅，其实系市区你会有错觉误以为身在中国某省份。
4:某地区海滩、海岛真系好靓。
柬埔寨sihanouk简称西港，系柬埔寨一个重要既经济贸易区，尼度除咗拼经济，当然都拼旅游，皆因有好靓既长沙滩同临近几个世外桃源既海岛。由吉隆坡直飞sihanouk只需两个小时，离境sihanouk机场前要做既事就系买sim卡！系平到难以置信2美金无限7日上网！虽然d线路真系麻麻兼大部分住宿、餐馆都有wifi供应，但都值得买既。
好啦，要出市区或住宿只有taxi可达，统一收费20美金一架车！大致上sihanouk旅游住宿分为3处，每处距离大约15分钟车程！
1:serendipity码头区：尼度就最旺最多娱乐场，因为最靠近出海岛既码头，所以人来人往，但尼边既海滩就真系麻麻，只有方便可言。
2:otres海滩1:尼度就先开发既属于靓海滩区，但确实太多游客，一bus 一bus既中国团同西方back packer颇多，尼度有resort但更多budget既hotel所以深受游客欢迎，去码头只需15分钟啊，周围餐馆都林立，沙滩都系普通，唔算清。
柬埔寨都有靓海滩架，位于sihanouk既otres 2海滩可以话系sihanouk唔出岛最清澈既海滩。距离码头30分钟车程但就最靠近机场，都系30分钟车程。尼度既度假住宿价格偏高但就真系几靓，尼区既西方游客最多但都属于人少既沙滩区。仍在不断发展中，我上个星期仲见到至少十处八处正在兴建大型酒店、娱乐城同度假村。。唔望周围斋望个海都真系好relax架！
sihanouk海滩系一条超长既海滩，链接otres2、otres1到serendipity码头，海水清澈度可能不一但有一点就一致，拥有超靓夕阳景色！大概545pm左右太阳就落山啦，soli应该系落海，大大粒咸蛋黄慢慢沉没于大海中，好写意既景色！
尼度出海岛有几个选择，第一款就系系各自海滩例如otres1或2报一个跳岛一日游或者黄昏钓鱼兼睇海洋的蓝眼泪半日游。大概都系十几美金左右。
另一款就系直接系serendility码头出发前往可以住宿既世外桃源koh rong 或koh rong sanloem。票价都一样来回speed ferry系22美金，包单程黎你住宿载你去码头。船飞建议直接向住宿reception定啦，方便好多反正价格一样。
koh rong同kong rong sanloem系两个附近既岛屿。喜欢热闹既朋友可以选择koh rong，但因为我想超hea静静地所以选择koh rong sanloem，每日speed ferry得三班船咋要留意时间！由serenity码头前往koh rong sanloem大概1小时，之后至抵达koh rong。
sihanouk最适合旅游既月份系11月到4月，旱季所以玩水上活动就超正啦！住咗sihanouk otres 2海滩两晚，决定出岛住番晚，koh rong sanloem。一个比koh rong幽静d既海岛，同一班speed ferry先到koh rong sanloem至抵达koh rong，回程都一样。
koh rong sanloem大致分为四大区，saracan 海滩，saracan 2海滩，、m pay bay海滩以及lazy海滩，而lazy海滩至睇到日落架，每个海滩或住宿都有快艇可以transit过去既，步行就真系有d远大致40分钟。尼边活动莫过于按摩、夜钓同潜水。总之就放松啦！
番到sihanouk市区码头你可以选择搭tutuk去当地market买下纪念品同吃道地小吃例如amok、云吞汤面等。
不过都系提醒，由于sihanouk正处于高速发展中，所以周围沙尘滚滚，系特定海滩住宿幽静咋，要去趁早，因为感觉会变得唔一样。
Sent from my iPhone
沒有留言:
發佈留言