2:吴哥城真系鬼斧神工！里面既寺庙同城楼巧夺天工、完全能感受到吴哥王朝盛世时期既震撼！
3:消费相宜，尤其住宿，3星价格揾到5星享受，尤其boutique hotel好有特色。例如特定时间，冰冻啤一啤只需0.50美金一杯，超值。
4:一个人行系条街都觉得安全啊（至少我自己半夜行番住宿系感觉良好）
抵达siem reap机场
吉隆坡飞往柬埔寨siem reap只需2粒钟。星期五当完班直奔机场时间岩岩好。抵达siem reap机场都只不过系当地时间3pm，柬埔寨时间慢大马1粒钟，所以大家要留意，免得回程时候记错大马时间。siem reap虽然都通用柬埔寨自己货币，但我就觉得美金仲方便，基本上所到之处都收美金，而且如果唔系太碎银，商家都系会找番美金俾你既，放心。抵达siem reap机场离境后就要入市区，其实相当近，唔使半粒钟车程，踏出arrival hall就见到有个搭车counter就系外面，睇你想搭边款车入市区！
1:电单车-单程9美金1人
2:taxi-单程10美金/车
3:minivan-单程15美金/van
4:remork，一种类似泰国tut tut既交通工具，几特别架！有瓦遮头唔会晒死死，最多4人坐如果无行李，一架remork系9美金，所以最后我选择remork去住宿，一路睇景几好feel既。
柬埔寨siem reap 吳哥王朝
黎siem reap最主要既景點梗係吳哥窟啦！但其實正確黎講應該係吳哥城，因為吳哥窟只係裡面其中一處最出名既景點，大吳哥同吳哥窟都好值得逗留成日架！
當然第一件事就係要訂交通！建議你直接係機場或住宿附近預定remork車仔遊大吳哥同吳哥窟，類似泰國tutut車，大約20美金半日，你可以選擇欣賞日出或日落。我當時揀日落因為都係要自然醒既關係！當日吃完早餐就係住宿附近book左架remork車仔早上11am出發！
第一站：會帶你去到距離市區15分鐘既超大售票站買入吳哥城門票！票價分為1日37美金、3日62美金、7日72美金！張門票好得意架，因為會係現場影相印落張票度，每次入吳哥城內任何廟或古堡都需要出示張門票，請袋好！！
正式出發去吳哥城都只需大概多20分鐘，會路徑一段好涼爽既樹林路，因為吳哥城正正就係森林中央！裡面有太多古廟景點，所以我只係重點探訪3處，包括樹廟ta phrom、佛面廟bayon同吳哥窟angkor wat！下集再分享咯
柬埔寨吳哥城半日遊
安排好半日係吳哥城遊覽，揀左3處，包括樹廟ta phrom、佛面廟bayon同吳哥窟angkor wat！
第一站：樹廟 Ta Prohm 是當年高棉國王係1186年為了紀念母親，下令著手興建，故又有母廟之名。尼間廟最特別既地方就係故意保持十九世紀剛發現時的模樣，參天的巨木樹根同建築互相糾纏非常壯觀！打卡聖地
第二站：佛臉廟（Bayon Temple）最著名的就是以佛頭做為塔寺造形，四面都刻有三公尺高的微笑面容被世人稱為「高棉的微笑」共有五十四座展現有高棉微笑之稱的四面佛塔，細心觀其閉眼微笑的神態，大有笑看眾生的意味！打卡聖地
參觀完尼兩處就可以去吃個午餐，附近有唔少路邊餐館架！可惜好放心吃喝，因為toilet亦隨處可見，而且超乾淨！
世界7大奇蹟既吳哥窟
終於要去參觀最終站：世界7大奇蹟既吳哥窟也是世界上最大的廟宇。五座聖塔聳立在層層堆疊的石階上，猶如五座山峰，十分壯觀！入口你會先經過一條特製安全既人造浮板橋，因為吳哥窟係被護城河包圍住！入到範圍要留意會經過右手邊一間藏經閣建築好有feel架！之後正式進入angkor wat範圍！你可以登上五座聖塔中間個塔內參觀，高空俯瞰吳哥城外叢林更係壯觀！但要小心上樓梯，都頗斜架！好在有工作人員做人流管制所以唔會好逼夾，可以慢慢欣賞參觀！用心睇睇再影影相啦，入面都算好涼爽通風既！大概可以慢慢睇成個半中架！尤其d浮雕真系好靚，其中一幅牆壁走廊就浮雕了警世人唔好做壞事，不然就會落無間地獄餓受苦既民俗故事。
其實我都真系無等到日落，因為參觀完d廟都只係3pm，距離日落仲有接近3粒鐘，所以我都係選擇離開番住宿休息下～～一個人真系睇夠、行夠、影夠啦
晚上你可以係siem reap市區逛night market買手信同去最有名既pub street飲兩杯輕鬆下啦～～今次時間好短所以真系淨係explore到咁咋，但尼個地方siem reap我一定會再黎！
沒有留言:
發佈留言