「旅晨」日本神戶kobe分享（EP2）有馬。六甲一日遊

來到神戶就梗係要買張有馬六甲一日周遊券啦。有幾樣嘢要特別留意：

1:基本上只可以係地鐵大站，例如三宮、元町買到。

2:唔係每日都有得賣架，是每年4月初開始到12月底（聖誕節前後），限定發售的套票，

3:其實這張票卷的概念非常簡單，就是藉由搭乘不同公司的交通工具，地鐵、lan完整繞完一圈有馬・六甲地區，

4:除左包交通，你仲可以憑卷享受三名泉之一的有馬溫泉體驗。

買左一日券，就要出發啦！

憑著有馬。六甲周遊卡可以由神戶市中心搭地鐵到「有馬站」後，記住再換車至「有馬溫泉駅」下車即可抵達。大概40分鐘左右。到站之後，你會見到有唔少溫泉飯店既shutter bus守候住，當然如果你無預定任何飯店既話就建議你步行去附近最旺既有馬商店老街，一路上風景好靚亦會經過幾間細細既寺廟。步行15分鐘左右就會到達一條好熱鬧既古色古香街道，係尼度你可以：

1:參觀有馬玩具博物館，需要另外買入門卷，6層樓高每層都有專人講解特別既玩具！

2:記住吃好好味既豆腐軟雪糕，仲有碳酸仙貝，當然可以試下詎地既牛肉可樂餅！正啊

3:當然唔少得去泡溫泉啊！

購買有馬。六甲周遊卡係會附送唔少優惠券架！仲包括一次免費泡溫泉體驗！地鐵抵達有馬溫泉站之後其實就會見到好多溫泉飯店，你可以選擇過一晚超舒服。或者你選擇一日遊就可以步行到有馬商店老街逛一逛之後就利用張周遊卡免費泡溫泉！張卡附送一次溫泉體驗，你可以選擇金之湯或者銀之湯的入場券。

有馬溫泉是遠自日本神話時代就有記載的古老名泉，千百年來一直受到喜愛，在這裡可以享受有金湯與銀湯之稱的兩種不同溫泉！金湯因為含有大量鐵成分，所以呈現混濁的茶褐色，有保溫保濕的功能；而銀湯無色透明，可以促進新陳代謝。

日本人泡湯的習慣就是先沖洗後入池，入池後大家多半會把毛巾放在頭上，由於泉水非常熱，都超過40度，我大概泡一次都不會超過5分鐘就起來了，來來回回不會超過30分鐘!請記得自行攜帶浴巾，不然要另外購買喔!或者你可以係金之湯門外免費泡腳也ok！

六甲周遊卡，所以遊覽完有馬區，梗係緊接六甲山體驗啦！有馬商店老街步行去到有馬溫泉站搭空中纜車大概只需10分鐘，不過就係一個大斜坡，所以大家gambateh 啦！憑著有馬。六甲周遊卡係免費乘搭！尼款大型空中纜車就好似以前雲頂個款一次可以載幾十人既大型空中巴士纜車！記住留意時間，因為最後一班上山既空中纜車係傍晚5點10分！除非你係夏天去，就會延長到晚上8點50分！錯過纜車就要等巴士或者的士架啦！錯失空中纜車既靚景。

大概20分鐘既空中體驗就抵達六甲山頂站，而係山頂站既出口就會已經有周遊巴士standby好迎接！日本人既時間真系好準確！搭巴士就可以係你想選擇停留既站度逗留！因為尼度都有幾個唔同既巴士站有唔同既體驗，例如有一站係好歐式建築風情既餐廳酒吧區站、音樂盒博物館站、植物園站或者你目標得一個淨係想睇千萬夜景既六甲花園露台站！

神戶有兩大觀賞夜景區，日本3大夜景既摩耶山觀景區同千萬夜景六甲山觀景區！因為角度的關係，所以六甲山夜景沒有隔壁有三大夜景之稱的摩耶山那麼有名，不過號稱千萬級的夜景仍然值得一看。

有沒有知道為甚麼這裡的夜景叫作神戶千萬夜景呢? 本來只是有百萬夜景之稱, 而百萬夜景中的百萬,是指百萬美元，五十年代從神戶開始流傳出來, 意即從六甲山可以看到的神戶區域的一個月的電費，用當時的匯率來算的大概值一百萬元美元。而隨著物變動,電費增加, 經濟繁榮, 從前的電費就增加至今天接近千萬美元了, 因此就有了千萬夜景的稱號！

六甲山上有三個當地最推薦的夜景觀賞點，分別是掬星台、天覽台與六甲花園露台，不妨選擇其中一處靜待夜幕降臨既靚景啦吧。欣賞夠啦就可以免費乘搭懷舊路軌纜車落山咯！完滿結束一日行程～～

趁仲行得走得，跟住旅晨一齊睇世界