Warm Bodies 观后感

寻日心情由朝早一直down到夜晚，结果选择同两个同事去睇部电影缓冲下负面情绪，千挑万选之下［Warm Bodies］跑出！当然系基于见到网上、杂志既好评所以都有信心既不过亦怕d影评夸大其辞。结果：

《创意》

前半段我俾9分，以一个丧尸男既角度去呈现丧尸日常生活同无奈，无论对白或画面呈献都充满黑色幽默。中段8分更进入戏肉“堕入情网”，谈情说爱虽然话系老掉牙既必要内容但双方如何相识就显得有诚意兼创意喇。尾段就6分。。。一般但可以接受。

《画面》
唔会阴阴沉沉、黑嘛嘛，亦唔会话邋邋遢遢，只系场景呈献“乱”既美感。最令我赞赏既系大部分戏份都系日光日白下进行，极少一般丧尸片既木独既黑暗感。

《惊吓》
无。所以如果你系抱住惊吓片既心态就会注定大失所望，但都有血腥镜头。重申：尼部片系爱情片黎架！！

行出戏院，心情变好。

里面其实有好多对白虽然听落系诙谐或轻轻带过，但若然你留心d会发觉“系咯，我应该甘做”至于边几句，就等你自己去发掘喇！
ps：我系睇中文字幕至明。