做DJ預左俾人鬧

做電台DJ尼分工有一個心理建設要做好，就系“預左俾人鬧”。

無錯。究竟系麼野情況下會俾人鬧呢？答案系＝任何情況，例如你系空中講：

假如世界末日黎到，你會點呢？
俾人鬧：有無搞錯，惟恐天下不亂！垃圾dj！

我捻都系時候控制下個食慾，唔想繼續發福！！
俾人鬧：哇！你歧視肥人！鬼唔望肥死你！

mariah carey（讀音唔標準）
俾人鬧：一個dj連名都讀唔到，收皮啦！

哈哈哈。。。尼三個例子絕對系小兒科～～有更多創意毒辣既句子並非筆墨能形容！

有無發覺極少人提及政府，無關政治，系“政府”－因為只要提任何“政府既野”都會變成賣國賊、走狗、無廉恥既敗類～～唔提？？哈哈，死得仲慘！

換個角度捻，都好，至少你講既野有人聽有人在意，仲會願意用時間精神去鬧你，真感動。不過可否下次你地既“好意問候”唔好提及家人或者系農曆新年之後呢，大年年初一，好難消化架。