2013年9月19日星期四

沙巴住宿篇-Little Hut@Kundasang

去沙巴除左癡飲癡住家姐之外都需要揾番晚同班friend行遠D留宿下。今次系神山腳Kundasang,kg mersilao訂左間民宿《Little Hut》,尼間民宿真系幾值得推薦@@

樓上既睡房有三個重點:1》床褥舒服 2》超大對外窗景色一流,可睇星星  3》超心思壁畫

有個特製既樓梯(其實好穩陣但都系要小心d),樓下尼個單人床空間系全屋最暖(晚上好凍架,20度以下)、廁所(忘記影,特別提醒:雖然有熱水器,但真系早d沖涼好d,我地成班叻叻甘10點至沖涼,結果不斷嗌晒救命)。
樓下空間很大,仲有廚房(廚具非常齊全,系無雪櫃)連接飯廳、同大門一入黎既聊天室(又一個超大窗口睇到出面露台,景果然靚)。
尼間民宿有四棟獨立屋,有兩人間同我地尼款一家人既。我地住尼間《Hut Attack》五人間我覺得最正,因為好private,有屬於自己既露台同其它三間有d距離~~
晚上等星星真系靠運氣。9月開始雨季,多雲大霧以致晚上12點都睇唔到星星。死心不息地凌晨5點起身,yes!!!滿天星~~而且天都開始光咯!(果然好早天光)
景色靚到系會忘記自己身在馬來西亞(國外月亮比較圓心態),聽住d英文老歌真系幻想自己系瑞士~~民宿一開門口就望到神山!!不過都要睇運氣,因為座神山好神奇地7點之後就被雲完全遮掩晒,好似從來無出現過座神山甘!記得要早起身碰碰運氣~~
Kundasang距離KK市中心要接近2小時車程(因為山路彎曲加上好多大羅哩行使)。間民宿比神山公園仲要遠d,記得用google map或waze揾揾。






3 則留言: