《晨西遊記》day46：好鬼凍

一直嚮往系好鬼凍甚至落雪既國度生活一段時間，西班牙出遊既其中一個目的。尼兩日開始Salamanca轉涼，大致1至2度（落雨帶微微雪花）。

《變靜宜》
叮噹迷都知道靜宜最中意就系沖涼，黎到甘冷既國度最少一日會沖兩次涼，原因系絕對享受俾熱水打落背脊既感覺（有時會沖好鬼耐。。）

《著好厚》
平均出門需要3件衫加圍巾，入到餐廳又要除，離開又著番，其實都幾麻煩。

《飲咖啡／朱古力》
西班牙比較興飲朱古力，仲要系特濃配上鬼佬油炸鬼（chocolate con churros）。嚴格上都好好味，不過最大既漏洞系“點解多數d熱飲都唔夠熱既？？”不過我都系鍾愛咖啡多d。

《冬眠》
藉口黎既者。平時都有“嗜睡症”架啦，遇上凍天系個被窩度暖笠笠又點捨得起身吖！！

由夏轉秋，秋轉冬，無論系個地球或者氣候都會不停甘轉變，人又點可以一成不變呢？

《晨西遊記》day45：夜夜笙歌？停一停

我相當貪玩，但如果日日都夜夜笙歌，sorry，唔得。

《老啦》
開夜車趕工作都仲會有衝勁，但日日劈酒跳舞到天光就真系有d頂唔蒲。一星期一兩次夠晒。點同d九十後鬥吖！！？

《無癮》
細個成日恨吃KFC，特別好吃？？應該話物以罕為貴，逢大事大節至有既野如果日日都吃就唔會覺得珍貴兼無癮。

《為乜？》
可能我屬於理由現實派，雖然話人生中唔系做咩都要“為作乜乜乜。。”，但系party既因由離不開有事慶祝，但實在揾唔到咩事值得我晚晚慶祝？？（疑惑中。。我明白好多後生仔去“獵物”，有個衝動想去訪問下詎地！！）

寫緊篇稿，樓上有個大型“轟趴”，主題“Black N White”。非常熱鬧，場面絕對拍得住哈嘍喂當晚，友人不斷whatsapp同落黎叫我飲番兩杯，仍然婉拒好意；沖左杯咖啡上網籌備下一個又一個既旅程，難得都要休息下既。

ps：哈哈哈哈，樓上依然熱鬧中，感受到好強勁既“精力充沛”，熟悉既句子“Vamos Chicos”！

《晨西遊記》day44：揾工咯

尼幾日覺得“系時候開始揾工啦”，原因：

《放縱接近尾聲》
雖然個晨西遊記只行到一半，但有種感覺系可以開始準備履歷表要寄出，幸運既話2014就開mic大吉。撲空咯咪揾第二d野做咯，一直覺得，你要做野唔會無野做既。

《等錢使？？》
尋日都有好多friend第二個反應系“無曬錢咧！”（第一個反應系“終於捨得揾工啦咩！”）。哈哈，錢系我離職個一刻就已經開始無乜架啦，講唔為錢？我無甘清高；但純為錢？亦未需要。應該話，系要揾番d自己喜歡、能夠勝任兼無憂生活費既工作，活著既其中一項重要任務就系工作～～

《回巢？？》
當初畢業後既捻發點做，咪點做咯！@畢業－寫resume－寄resume－等消息－應徵－適合咪番工咯；又或者甘好彩有獵頭公司招攬呢！人，仲要有希望。

第一份要揾既工作梗系我最愛既直播室啦，睇到間間電台既收聽率成績都唔錯，應該仲有好多人有聽電臺呱？！可能有個DJ仔既職位空缺都唔定咧～～

Ps：一切重新出發，唔容易，但至少條路自己揀既日後睇番轉頭都對得住自己既決定。

《晨西遊記》day43：白色小鎮@Cadiz

由Sevilla去Cdiz需時2粒鐘，巴士、火車一樣。沒試過系西班牙搭火車所以選擇後者（標價來回大約25歐羅）因為cadiz真系一個沿海既小鎮，一日時間絕對足夠。早上8點45分出發，傍晚6點回程，perfecto～～

尼個小鎮參考網上既評論都俾相當高既評價，經過實地考察之後，得出結論：

《超放鬆》
普遍上近海既旅遊勝地都有種“無錯，你放緊假”既感覺，加上尼度人潮唔會特別多、d海水又尚算清澈、沙都好滑，絕對可以望住個海半日！！

《超方便》
火車站一出門口行5分鐘已經開始系景點啦，幾乎所有景點只要你環著個海岸行就會到達。換言之，環島一週等於行曬所有景點～～唔使揾餐死兼驚迷路！

《有d貴》
比起salamanca同sevilla，尼度既物價貴d，例如啤酒一般cafeteria買1.5歐羅，尼度要2歐羅，但當然唔會好離譜啦。食物方面就最出名海鮮，東方人話最新鮮既海鮮梗系清蒸啦，尼度系“香脆炸”！！！！口感其實都好好既，唔會油淋淋（我地去左尼間百年老店，人多but真系好吃，尤其炸sotong）！

Cadiz會系我好可能再去既一個小鎮，舒服忘憂既週末，如果距離kl兩粒鐘有甘既地方就正咯～～

《晨西遊記》day42：Sevilla出遊3@Plaza x 2

出發前已經有老師話“去Sevilla必睇Flamenco舞蹈”皆因系始祖。（至於flamenco舞蹈既經歷一早已經share了，參考『無影腳』）

《Plaza Mayor@Sevilla－Metropol Parasol》
每個城市都有Plaza Mayor，尼個可謂前衛十足。外形似打邊爐既大香菇，除左地面系俾公眾消閒hea或搞活動之外，地下層系10年前挖出既羅馬時代遺址博物館（要錢入場，不過落地大玻璃都睇到～～）至於大香菇樓上可以一覽sevilla既市景！

《Plaza De Espana》
又系幾乎每個城市都有專屬既plaza de espana，尼個特別在于會不時馬車出現令你有錯覺置身於羅馬時代。加上引入河水圍繞更增添羅曼感覺。有人話系小威尼斯（太誇張啦），留意廣場內有所有西班牙城市既“攤位”，可以逐一參觀。。。（我覺得似靈位！！）記住，晚上10點系會關閉整個區！！！！！

仲捻住可以系plaza de espana hi－tea，結果系得一間cafeteria系路口，反而系Plaza Mayor對面街就有一間好古色古香既Cafeteria（可惜發覺太遲，要離開咯，下次有機會再去咯）

ps：仲有d更多相會上facebook架啦～～

《晨西遊記》day41：Sevilla出遊2@鬥牛場＋黃金塔

塞維利亞確系好靚，但其實景點唔會太多（個人認為）所以請唔好趕景，出遊最忌趕死趕命，尤其Sevilla尼個藝術之城，可以慢慢行，同自己講“大把時間”～～以下兩個景點距離一條大街，所以順道慢慢睇～～

《鬥牛場Plaza de Toros de la Maestranza》
可惜過左鬥牛季節（每年10月中到四月尾休戰），牛都要放假架！！不過，仍然可以參觀鬥牛場。學生證終於有用啦（學生4歐羅，普通7歐羅）參觀分3part，鬥牛場館、博物館同後台（即系牛休息室同出場路線）。個tour包括一位西中對照既翻譯員隨團介紹（買飛後需要等指定時間至一團人開始tour）大約須時1粒鐘。

《黃金塔Torre del Oro》
一個軍事瞭望塔，不過系13世紀都負責埋看守由外地帶返西班牙既貴重黃金得以成名；現時系一個博物館。裡面可以話“麻雀雖小五臟俱全”除左珍貴既文獻之外系頂樓仲可以一覽Sevilla既河景～～（同教堂頂樓唔同feel），晚上座塔被燈光射住呈現金黃色（好多建築都系甘架啦，噱頭）

 待續。。。